DA ANAKARIA DAMA NDUBA DANGU DAMA MANGGANA ¹ Halaka, na pahanganji Surga djaka pangiaranya hama djangu da anakaria tau hakambulu dama ngandi epi palita da hala hida laku pa tabukuya na paratu. ² Da tau malima da nduba, taka da tau malima da manggana. ³ hala dama nduba da ngandiha da epi palita da, taka nyuda nda da ngandi pakaria anja minyak. ⁴ Hala, dama manggana da ngandi pakarianja minyakku la boti da epi palita da. ⁵ taka na paratu ndana lu taka apa, katatiku danyaka hida katuda. ⁶ halaka, la mandalora ninguka ma wara, namu nyaka na paratu! Maiwa kata luhu pa tabukuya! ⁷ hala, ka hadangu danyaka da anakaria hida palanyapunja da epi palita da. ⁸ hala, dama nduba hi wadanja dama manggana, wua nggama hakudu minyakumi ba mbuhangu danya pa mbadaka da palita ma. ⁹ taka, hiwada bada hiama dama manggana, ndia a, nda da tuama nduma ma nyuma dangu nyimi. Na hamu pa kai lua lama danggangu kai kei nduma wikimi. ¹⁰ ba talanga laku da pa kei, ka taka nanyaka na paratu, hala nyuda dama mbada hawanjiru, ka tama karia danyaka la ngia pa nikah, hala hida bitanya na pindu. ¹¹ halaka nu, ka taka danyaka da anakaria hawiangu hala hi wada, Miri,Miri! Bunggahu nggama nyuma, ¹² Taka na hiama Nyuna, langataka, ku paninggai nyimi, Nyungga ndaku tanda akai. ¹³ Djiaya ba tuna nu, rimanguwa kanadu ba ndai pi anya na lodu dangu na rehi na. ¹⁴ Taka, na pahanganji Surga hama djangu na tau nama laku la hau tana, hina pa aunja da pa paliawana hala hina wuanja da pawuluna. ¹⁵ Na haatu, hina wuanya 5 talenta. Nimbuhu da raka pamaka da. Hala, hina laku. ¹⁶ Na tau nama ngalangu 5 talenta nuna laku nanyaka, dangu hina winguya na talenta na, hala hina ngalangu utu na 5 talenta. ¹⁷ Hama mbunai nama ngalangu 2 talenta, nyuna na ngalangu utu na 2 talenta mai una. ¹⁸ Taka, na tau nama ngalangu 1 talenta nuna hina laku, pa aki wala mbongu la tana, hina kawininya na ndui na na mirina. ¹⁹ Bana mandaika nu, ka taka nanyaka na mirida da tau nuda hala hina padiha duanja. ²⁰ Na tau nama ngalangu 5 talenta hina mai la hanggana dangu hina ngandi 5 talenta, wananya, Miri, nyumu bau wuangga 5 talenta. Ngitaha, nyungga ku ngalangu utu 5 talenta. ²¹ Hamu aii lulu nyumu papaliawa mahamu dangu mapaweli etingu, hiwananya. Nyumu bau paweli etingu lama hakudungu, nahu ku wotu kau la pakata nja dama rihi dangu, tamawa dangu kau mbaha eti dangga nyungga mirimu. ²² Taka, na tau nama ngalangu 2 talenta na mai hi wana, Miri, nyumu hu wuangga 2 talenta. Ngitaha, nyungga ku ngalangu utunggu 2 talenta. ²³ Na hiama na mirina, hamu aii lulu, papaliawa mahamu dangu mapaweli etingu. Nyumu bau paweli etingu lama hakudungu, nyungga ku wotukau lapa katanja dama rihi dangu, tamawa kau mabaha eti dangga nyungga mirimu. ²⁴ Halaka, na tau nama ngalangu 1 talenta na mai la hanggana hala hiwana, Miri, ku pinggau nyumu ba tau mbana eti kau, bau muti bia la ngia panda tondu mu, dangu bau pa uhingu bia la ngia panda habarungu mu wini. ²⁵ Lata nuna duka, hiku mangadatu, hala hiku laku pa kawininya na talenta mu la unu tana. Ngitaya, nyumu bau manguyaka nggara ya nama njadi mangumu. ²⁶ Hala, hi wana na mirina bana hiamaya, nyumu papaliawa ma katadaku dangu ma mboduku! Nyumu hu pimanya baku muti la ngia panda tondungu nggu dangu baku pauhing bia la ngia panda habarung nggu wini. ²⁷ Ba tuna nu lati, kau pahamuya la bank duka lati na ndui nggu djaka ku belika, kaku ngala belinya pakaringu bungana. ²⁸ Pitiya na hau talenta nana welingu lai nyuna kai wuanya nyuna, nama mangungu 10 talenta nuna. ²⁹ kanadu, na tau nama mbada ningungu pahili wuangu mayapa, hi lupa na parihingu. Taka, na tau na manda ningu ngu, djaka nggaraya nama ninya lai nyuna pa hili piti mayapa. ³⁰ Ndauhaya na papaliawa na manda ningu lingu ngu la pangia nama rihi pa kapatangu. Lai nu djiaya na hi dangu na pangihingu ngandu aka. ³¹ Djaka na taka ka na Ana Tau wangu mangunjuna. ³² Mbu halana na banjaru pa pa uhinguyaka la hangga-Na, hala Nyuna hina kawariha nyuda haatu mara haatu da, hama djangu nama pawangu bana kawariha da mbimbi welingu la kamambi. ³³ Hala, Nyuna hina tuha da mbimbi la kawa-Na na, hala da kamambi la kalai. ³⁴ Halaka, na Maramba hiwananja da maninja ka kawana-Na, Mainguwa, nyimi pa pakanyuru na na Ama-Nggu, nggepi yawa na pahanganji na pambada paloku nggai piti weli mulangu ba hina ninya na tana. ³⁵ Kanadu Baku manju, nyimi bai wua dungga Nyungga pangangu. Baku madau bai wua dungga Nyungga pa ngunungu. Baku njadi tau weli namungu, bai dunda dungga Nyungga la ³⁶ Baku kalulu dangu nyimi bai pa paki dungga Nyungga katari. Baku hidu bai tangaru duka Nyungga. Baku hukungu bai mai du patadaluka Nyungga. patama. ³⁷ Hala wadaka bada hiama da tau nuda, Miri, ka piranguka bama ngitakau Nyumu bau manju hala hima wuanggau pangan-Mu, bau madau bama wuanggau pangunu-Mu? ³⁸ Piranguka bama ngitakau Nyumu ba tau weli namungu kau hala hima dunda Nggau patama, Nyumu bau kalulu hima pa paki nggau katari? ³⁹ piranguka bama ngitakau Nyumu bau hidu djaka ndia bau hukungu hala hi ma mai lai Nyumu? ⁴⁰ Hala hina hiama na Maramba, kai pinya wanggu nggai, hama djangu ba tuminya nu na haatu angu dedi-Nggu na marihi pa marahu yiana, palaku minya lai Nyungga. ⁴¹ Hala, na Maramba hina paninja da maninja la kalai na, marauwa welingu lai Nyungga, nyimi paratungu, la epi panda peku pada la pangia na hi kambaliku dangu da pa paliawana. ⁴² Kanadu, Nyungga baku manju ba ndai wua angga pangangu. Nyungga baku madau ndai wua angga pa ngunungu. ⁴³ Nyungga baku njadi tau weli namungu nyimi ndai dunda angga la patama; ku kalulu nyimi ndai pa paki angga Nyungga katari; baku hidu dangu ba la hukungu ka nyimi ndai lua a pataruka Nyungga. ⁴⁴ Hala, ka pani danyaka nyuda lai Nyuna, Miri piranguka bama ngitakau Nyumu bau manju dangu bau madau, dangu ba tau weli namungu kau, dangu bau hidu, dangu bau kalulu, dangu bau hukungu, hi ndama ndula-Kau? ⁴⁵ Na hiamaha nyuda na Maramba, nahu Nyungga kaku paninggai, ba djiaya ba ndai mbuhangu pa ndulaya na haatu welingu lai nyuda da marihi pa marahu yiana, nda mbuhangu minya pa ndulaka Nyungga duka. ⁴⁶ Hala, nyuda yiada da laku la ngia pahukungu ma palupangu, taka na tau na ma padeningu la luri ma palupangu yaka.