NA PA BUABARUNGU NAI YESUS RUKUNA NA HUPU NJAPU REHI PASAL 24--25 NA UMA ALLAH BA PANYUNGGURUYA Mrk. 13:1-31; Luk. 21:5-33 ¹ Ba damaika dama kiku-Nya lai Nyuna lapa pangitanya na Uma Allah ka luhu nanyaka hi Yesus welingu la Uma Allah hina laku. ² Dangu, Nyuna hina pa aranja nyuda, ka ndai ngita aya mbu halana yiana? Nyungga ku pani gainya nama padeningu lai nyimi banda djia ningu a hau watu pa matangu bana panunggulungu la pinu angu na pawatu, panda nyungguru. ³ Dangu, ba talanga uhuku nai Yesus la pinu palindi Zaitun, ka mai pamiahang danyaka dama kikunya dangu hi wada, paninggamawa nahu nyuma, djaka piranguka nu mbu halana nuna nataka dangu djaka nggara yaka na manjadi tandana na maiMu dangu na hupu njapu rehi? ⁴ Hala hina hiama ha nyuda hi Yesus, patandanya ka ambu ningu tau ma panjaranggai. ⁵ kanadu, na dangu na tau nama mai wanya na tamu-Nggu dangu hi wana, djiama kaka Nyungga Kristus dangu nyuda hida panjara halanya na tau dangu. ⁶ Nyimi hi ronguya nama pabiara dangu na rukuna na pabiara. Patandanya ka ambi mangadatu du nyimi mbu halana nuna daingu taka mana, taka ndedi djia aya na rehi njapuna. ⁷ Kanadu, na banjaru na hadangu la palawanya na banjaru, na pahanganji na hadangu la palawanya na pahanganji, dangu la nggi nggini nataka na rimbangu dangu na upungu. ⁸ Mbu halana nuna djiayaka na pakiringuna na mayila bana katiu mangailaru. ⁹ Halaka, nyuda hida pamayilakau, dangu hida pametikau, dangu nyumu hina karau nggau eti mbu hala na banjaru dangu rukuna na tamu-Nggu. ¹⁰ La rehi nuna, na dangu na tau nama tunjuru, dangu hida marangga pamayila, dangu hida marangga pakaraungu eti dangga anguda. ¹¹ Da dangu na wunangu kambalik dama mai hida panjara halanya na tau dangu. ¹² Kanadu, na dangu maka na pa panggada, na maringuka na panamunguda. ¹³ Taka batuna, na tau nama mandungu lundu hupu njapuna pa pamananguya. ¹⁴ Dangu, na Injil pahanganji yiana pa buabaruya la mbu halana na pinu tana beri tanda pa hakahingu la mbu halana banjaru, dangu hinaka na taka na hupu njapuna. ¹⁵ Njadi, napa djakai ngitayaka nama pameti nama hala walangu, hama djangu na papanina hi wunang Daniel, na ndualaku la pangia mayahangu, mata nyuda dama mbahaya kada pi hamunya, ¹⁶ mata nyuda dama ninja la Yudea kada palai la palindi. ¹⁷ Nggamuya na maninya la pinu uma, ambu na puru dupa la pa piti nggara biaya na ihi umana. ¹⁸ Nggamuya na maninya la wuaka, ambu na beli dupa la uma la pa piti kalembina. ¹⁹ Taka, ura dedi danyaka nyuda da matalanga pa ana kiadanguda dangu nyuda da matalanga pahuhu da ana rara la lodu nuna. ²⁰ Hambayanguwa mata la rehi bau palai ka ambu na ngganangu la rehi maringu djaka ndia la lodu Sabat. ²¹ Kanadu tai bataka nanyaka na rehi mayila bokul, hama djangu nama ndedi kali tumbu piti welingu njadina na tana ludu taka nahu, dangu ndana hili tumbu apa. ²² Dangu, djaka nda pa padanggitu yapa na lodu nuna, nda ningu a luri pa pamanangu. Taka lailu ruku nyuda da papindi, na lodu nuna pa padanggitu yaka ²³ Halaka, djaka ningu tau ma wananggau, ngitaya, hi Kristus ninya lai yohu, djaka ndia Nyuna ninya lai nu, ambu parahaya duya nyuna. ²⁴ kanadu, hi kristus kambaliku dangu da wunang kambaliku napa da wuwa dangu da wunda tanda ma bokul dangu mbiha lupa da panjarangu, djaka na peku, lundu lupa nyuda duka da papindi. ²⁵ Patandanya, Nyungga mbada panimanggu nggaika nyimi ba ndedipa. ²⁶ njadi, nyuda djaka da paninggau, ngitaya, Nyuna la marada tialangu, ambu laku du lai nu, djaka ndia, ngitaya Nyuna ninya la kurungu nuna, ambu parahaya duya. ²⁷ Kanadu, hama djangu na kabilaku nama handaraku welingu la pahunga dangu nama hambila lupa taka la patama, tuna nu napa djaka djiayaka na rehi takana na Ana Tau. ²⁸ La giya na maningu ma metingu, lai nu mbuha da mabohu hawurungu na ngia paninja. ²⁹ Ndedi nggi mandaina, bana halaka pamayilla, kapatangu nanyaka na mata lodu, dangu na wulangu ndana hambila apa, da kandunu da kanabu welingu la awangu, dangu na kuaha la awangu na ngguada nggaduku. ³⁰ Halaka, na tandana na Ana Tau hina wuwa la awangu dangu mbu halana na banjaru hina hii. Hala nyuda hida ngitaya na Ana Tau bana mai la pinu karumangu, wangu mbiha dangu mangunju na Nama bokul. ³¹ Dangu, Nyuna wangu lingu taleli bokul na, bana paraha nja da papaliawana la papa uhinja da banjaruna welingu la patu kabihu pinu tana, welingu la hupu hauna na awangu lupa taka la hupu hauna. ³² Nahu, pitiwa pangiarangu welingu la pingi ai ara djaka da kamelika da ruuna, pidiminyaka ba mareni nanyaka na rehi pambanahungu. ³³ Tuna numbu nyimi djaka mi ngitahaka mbu halana na matumbu nuna, pi diminyaka ba mareni amanaka na rehina, ba la ngaru pindu mayaka. ³⁴ Kai pinya, Nyungga ku paninggai nyimi nda djia meti ana na tau djaka ndedi madu da tumbu mbu halana na yiana. ³⁵ Na awangu dangu na tana na njapu, taka na papa ninggu nda djia njapu ana. ³⁶ Taka, nda ningu a mapinya djaka pirangu na lodu dangu rehina, da papaliawa la awangu ndada pimbunya, na Ana Allah mbu ndana pimbunya, taka hi Ama a una nama pinya. ³⁷ Kanadu la lodu ba ndedi na iwa bokulu, nyuda da ngangu dangu da ngunungu, ³⁸ dangu lalei mangoma danya,lundu takanya bana tama la kuru tena hi Nuh. ³⁹ Dangu, nyuda ndada wangu pa pimanya bana taka na iwa bokul hina pamohu ha nyuda mbu halada; tuna numbu napa nama tumbu djaka nataka na Ana Tau. ⁴⁰ Halaka, ninja ba tau maduaha dama ninja la wuaka; na haatu pa pitiya taka na haatu pa mamatanguya. ⁴¹ Tau maduaha da tau kawini dama nggihu, na haatu pa pitiya dangu na haatu pamatanguya. ⁴² Ba tuna rimanguwa kaba ndai pianya djaka pirangu na lodu maina na Mirimu. ⁴³ Taka, na mangu umangu djaka napinya pirangu na rehina, la rehi rudungu, na tau bohu bana mai, ka daingu rimangu naka dangu ndana pahia anya na umana la panyanggaruya. ⁴⁴ Djia ba tuna, nyimi kai hawanjiru manu kanadu ba ndai mbuti anya djaka pirangu na takana na Ana Tau. ⁴⁵ Hala, nggamuyaka na tau papaliawa nama paweli etingu dangu nama manggana, na pawotuna na mirina lapa kuahaha da ihi uma dangu nama wuanja pangangu la rehi ngangu? ⁴⁶ Pa pakanyurunguya na papaliawa nuna, djaka na maika na mirina, hina tuamanya bana palokuya na wai ngiarana. ⁴⁷ Langataka, ku paninggai nyimi hina wotuya na papaliawana lapa kuahaha mbu halada da manguna ⁴⁸ Hala, nggamuyaka na tau papaliawa nama paweli etingu dangu nama manggana, na pawotuna na mirina lapa kuahaha da ihi uma dangu nama wuanja pangangu la rehi ngangu? ⁴⁹ Pa pakanyurunguya na papaliawa nuna, djaka na maika na mirina, hina tuamanya bana palokuya na wai ngiarana. ⁵⁰ Langataka, ku paninggai nyimi hina wotuya na papaliawana lapa kuahaha mbu halada da manguna ⁵¹ Ta