NA PANGIARANG RUKUDA DA TAU PADUNDANG LA MBABU NIKAH Luk. 14:15-24 ¹ Hi Yesus na pani danja nyuda na hili wangu pangiarangu, hi Wana, ² "na Pahangaji Surga djaka ta pangiaranya hama djangu na maramba nama palokuya na mbabu nikah nduma na anana mini. ³ Hala, hina paliawaha da atana lapa pa aunya na tau na pambada dundana la mbabu nuna, taka nyuda ndada mbuhangua pa mai. ⁴ Hala, hina paliwaha da atana hawiangu, hi wana, paninjawa nyuda da tau pa mbada dundangu, ngitaha, mbada hawanjiru ngguha da pangangu. Da hapinggu dangu banda ngguka hawiangu mbada rupu halangguhaka, dangu mbada paloku halangguhaka. Mainguwa la mbabu nikah yiana. ⁵ Taka, nyuda ndada pawili anya hala hida laku, na haatu la wuakaya, hawiangu lapa palokunanya, ⁶ dangu hawiangu hida yapaha da atana na maramba nuna, da pamayilaha, dangu hida pametiha nyuda. ⁷ Hala, ka mbeni nanyaka na maramba, hina paliawaha da tentara na, hina pambutaha nuda dama pameti anguda, dangu hida tunuha da parainguda nyuda. ⁸ Hala, nyuna hiwananja da atana, na mbabu nikah bada palokuyaka, taka na tau napa dundangu nuna nda parakangu apa. ⁹ Jdiaba tuna nu nahu, hi lakuwa la anda bokul kai dunda halanya na tau napa hamburumi kana mai la mbabu yiana. ¹⁰ Hala, laku danyaka da ata nuda la anda hida pa uhi halanya na tau na pahamburu da, nama tuturu dangu nama akat. Hala, ka mbinu nanyaka tau ariya la pangia pambabu nikah nuna. ¹¹ Djia batuna nu, bana tamaka na maramba la papahamburu danya na tau ariya, ka ngita nanyaka na tau lai nu, na manda paki katari pa paki la mbabu nikah. ¹² hala hiwananya nyuna, kanggiki biana hu tama lai yohu ba ndau paki katari duma mbabu nikah? Hala, ka kandi nanyaka na tau nuna. ¹³ hala na maramba nuna hi wananja da atana, hondu ha da limana da wihina, hala kai ndauha nyuna lama kapatangu nama ninya lahambeli lai nu, djiaya na hi dangu na pangihingu aka nama ninya. ¹⁴ Kanadu, na dangu na papaaungu, taka hakudu ana na pa pindi." ¹⁵ Halaka, da tau Yahudi da laku hida pahamangu mata ka peku panjala danyai Yesus wangu na papani-Na. ¹⁶ Hala, hida parahanja dama kikunja nyuda lai Yesus, bada pakariangu dangu da tau Herodian. Hiwada nyuda, Guru, nyuma ma pimanya Nyumu ba tau tanjikau dangu bau ajaru wa nggamanya na anda nai Allah nama padeningu. Nyumu ba nda ningu a pa mangadatumu kanadu Nyumu ba ndau pindi a kaba mata. ¹⁷ Djaka tuna nu nahu, hu paningga mawa djaka nggiki wamuka nahu Nyumu. Mala na peku nu la wuangu hilu katiku la kaisar atau ndia? ¹⁸ batuna, hi Yesus na pimanyana akat etida nyuda hala hiwana, Kanggikina hi kamangga Nyungga, ha nyimi tau ma kambaliku? ¹⁹ Pangitangga namu Nyungga ndui halu katiku. Hala, nyuda hida wuanya hau dinar lai Nyuna. ²⁰ Hala, Nyuna hiwananja nyuda, ²¹ Rupa dangu Nggamuya nama tulihuya yiana? Da hiama nyuda, Kaisar. Halaka, hi Yesus hi wananja nyuda, batuna nu, wuanguwa hilu katiku la kaisar da nduma mana na kaisar, dangu lai Allah da nduma manai duna hi Allah. ²² Bada ronguyaka, ka hangataru danyaka, dangu hida laku waru-Nya hida beli. ²³ La lodu ma pahama, da tau Saduki, dama pani wangu banda ningu a luri beli, da mai lai Yesus hida pa aranya Nyuna. ²⁴ Hiwada nyuda, Guru, wanai Musa na haatu na tau mini djaka na meti hala hinda ningu a anana, na anguna paluhu na hili kanomaya na papahana ka peku ningu nuwana na anguna na paluhu nama mbada meti nuna. ²⁵ Nahu nu, ninja ba tau mapihu dama pa angu paluhu. Nama ma aya na nikah danya, taka ndedi ningu a anana bana meti, hala na papahana hina hili kanomaya na anguna paluhu. ²⁶ Tuna numai napa tau madua wada, na patailu wada, lupa taka na papihu wada. ²⁷ Bada kanjupu halanguka, meti mananyaika duna na tau kawini. ²⁸ La lodu luri beli, welingu lai nyuda ba tau mapihuha nggamuka nama papahanya nuna na tau kawini? Kanadu, nyuda ba mbada kanoma hala dudanyaka. ²⁹ Djiaba tuna, na hiamaha nyuda hi Yesus hi wananja, njarangu minya nyimi, ndai pi anya na buku pulungu dangu mbu na kuaha nai Allah. ³⁰ Kanadu, la lodu luri beli, nyuda ndada hili pakanoma djaka ndia lapa pakanomanja, taka nyuda djanguka da malaikat ka Surga. ³¹ Taka, rukuna na luri belina na tau meti, ndedi a himi bahaya nggaraya napa mbada paninanggai Allah, ³² Nyungga maka Allah Abraham, Allah Isak, dangu Allah Yakub? Nyuna nda Allah tau meti aya, taka Allah na na tau nama luriya. ³³ Bada ronguyaka nuna da tau dangu, ka hangataru danyaka rukuna napa ajaru waNa. ³⁴ taka, bada ronguka da tau Farisi kanadu da tau saduki bada kandika bada hangganyai Yesus, kapa uhing danyaka nyuda. ³⁵ halaka, na haatu welingu lai nyuda, haatu mapingu taurat napa aranyai yesus ka kama-Nya ba wana? ³⁶ Guru, pareta garayaka nama rihi kawandi dala Hukum Taurat? ³⁷ Halai, Yesus hi wananya, hu namuya na Miri Allahmu wangu weli etimu, weli patandangumu, dangu weli kanandingumu. ³⁸ Yiana djiamayaka na pareta nama rihi kawandi dangu nama mangilu. ³⁹ Yiana yaka Na padambu wana, hu namuya na angumu patau hama djiangu na wikimu. ⁴⁰ La dambu pareta yiada duka, na ngia pamandung na Hukum Taurat dangu da huratuda da wunangu. ⁴¹ Nu, batalanga pauhi da da tau Farisi, kapa arananjakai Yesus, ⁴² Mala nggiki wamika ruku nai Kristus? Nggamu Ana nanya Waminyaka Nyuna? Hala nyuda hi wada-Nya, Ana nai Daud. ⁴³ hala Nyuna hiwananja, djaka tuna nu, nggiki wanakai Daud, la Ngahu, bana pa au-Nya' Miri, bawana, ⁴⁴ Hi Miri na pulungu la Umbunggu, hu uhukuwa la kawana-Nggu, lupa kaku tuha la lumbu wihi-Mu da muhu-Mu.? ⁴⁵ taka hi Daud djaka napa aunya hi Kristus Umbu djaka wananya, ka nggiki ana nai Daud biayaka nu Nyuna? ⁴⁶ Ka nda hili ningu haatu mahiama ya Nyuna. Dangu, pakiringu la lodu nuna, nda hili ningu apa ma toru mbeni papa arangu lai Nyuna.