PANGIARANG RUKADA DAMA RAMA LA WUAKA ANGGUR ¹ Kanadu, na Pahanganji Surga, hama djangu nama ningu wuaka anggurungu la mbaru hada rudung hina laku pahimbu marama la wuaka anggur na. ² Bada kahaunyaka nyuda dangu dama rama hau dinar hau lodu, hala ka paraha nanjaka nyuda la wuaka anggur na. ³ Taka, la mereni jamu tailu hili laku mananyai nyuna pa himbu marama ninja hawiangu dingiru biadanya banda ningu a paramada. ⁴ hala, hiwananja nyuda, nyimi, lakukai la wuaka anggur dangu nggaraya nama parakangu daingu wua manggainya. Hala, kalaku danyaka nyuda. ⁵ la handadikku na, la panomu wana dangu la pahiwa wana na jam hina hili laku hama djangu na pambada palakuna. ⁶ Hala, la mareni jam hakambulu hau, hina hili laku ka tabuku nahaka dama talanga uhuku da hala hiwananja nyuda, kanggikina hi ndualak lai yohu hinda ningu a paramami? ⁷ kawada nyaka nyuda, kaba ndedi ningu a ma paraha nggama parama. Nyimi hi lakuwa la wuaka anguru nggu, ka wana njaka nyuda pariana na mangu wuakang. ⁸ Ba mareni rudung naka, ka pani nanyaka na mandur pariana na mangu wuakang, pa aunjawa dama rama ka mbayaru nja wunda ramada, pakiri welingu lama tama malamiri lundu lama mamangilu. ⁹ Taka, nyuda da paparahang parama weling la jam hakambulu hau, da mai, dalu haatu tau da ngalang 1 dinar. ¹⁰ taka nyuda dama rama mangilu, da mai, hala wadaka nyuda ta ngalangu padangu ka badi nyuta wadaka. Taka, 1 dinar ma a pangalada dalu haatu tau. ¹¹ Hala bada ngalanjaka, ka pa arangu danyaka la mangu wuakangu. ¹² wadaka nyuda, na tau nama tama malamiri hau jam ana parama, taka nyumu hu pahama dama anggama nyuma, ma padanya na panjili wangu dangu na mbana lodu. ¹³ Djiaba tuna, wanaka na mangu wuakangu bana hiamaya na haatu welingu lai nyuda, angu dedi, nyungga ndaku njala a lai nyumu. Mala nyimi nda mbada pajia aminya dangu nyungga hau dinar? ¹⁴ Pitiya na ndumamu dangu kau laku, taka nyungga ba mbuhang nggunya pa wuanja dama malamiri yiada, hama djangu lai nyumu. ¹⁵ Mala nu ndaku padeningu a baku palakuya na pambuhanggu baku hangganja da mangu wikinggu? Njaka ndia, hi akat biadanya da matamu lailu baku hamu nyungga? ¹⁶ Njadi, nama malamiri ka njadi nanyaka mamangilu, dangu nama mangilu ka njadi nanyaka ma malamiri. ¹⁷ Taka hi Yesus bana mbuhangu ka palaku la Yerusalem, na karianja dama kiku-Nya ba dangu paihanja. Nahu la anda, hala nyuna hi wananja, ¹⁸ ngitaya, nyuta hanggangu danya la Yerusalem dangu na Ana Tau napa hi wuaya la ratu-ratu kapala dangu lama pingu Taurat. Hala nyuda hida huku pameti-Ya. ¹⁹ Hala, nyuda hida wuaya Nyuna la ba-banjaru hawiangu hida pa akanya, hida paluya, dangu hida harika-Nya. Hala, la patailu wana na lodu, Nyuna hina paluri beliya. ²⁰ Halaka, na ina na da ana nai Zebedeus dangu da ana na da mai lai Yesus hala hida patika la pakarai habata lai Yesus. ²¹ Hala, kawana njakai Yesus, Nggaraya na pambuha mi? Na hiama na ina da, paretaha da ananggu paka duada kapeku uhuku da la pahanganji-Mu, na haatu la kawana -Munya hala na haatu ka lakalai-Munya. ²² Taka, hina hiama hi Yesus, nyimi ndai pi anya garaya na pakaraimi. Mala hi njadi pa ngunungu welingu la mbeker na pa ngununGu? Hi wada nyuda lai Yesus, Uu, manjadi ma. ²³ kawana njaka nyuda hi Yesus, djaka djiaya nyimi hi njadi ma pa ngunungu welingu la mbeker-Nggu, taka la pa uhuku la kawana-Nggu djaka ndia la kalai-Nggu, nda nduma ang-Gunya la pawuanggainya, taka nduma da nyudaya da pambada hawanjiruna na Ama-Nggu. ²⁴ Taka bada ronguka dama kikungu da hakambulu, ka mbeni dahaka da angu dedida dama dua nuda. ²⁵ Djia batuna, hi Yesus na paunja nyuda hala hiwananja, nyimi hi pinya dama yapa kuaha la banjar-banjaru hawiangu da pareta lai nyuda, dangu na tau-tau bokul nyuda da palakuya na kuahada lama dangu. ²⁶ Djaka nyimi ambi timi nudu, taka djaka gamuya nama mbuhangu pa bokul lai nyimi, na njadi ma tanggu paloku badi. ²⁷ Dangu, djaka gamuya nama mbuhang pamangilu lai nyimi, nyuna na jadi atami badi, ²⁸ hama djangu na Ana Tau bana mai nda djia aya ka kabubuluya, taka djiaya nama pakabubulu dangu la pawuanguya na hamangu-Na ndumang lapa pamananya na tau dangu. ²⁹ Dangu, bada laku warunyaka la Yerikho, na dangu na tau nama tundu-Nya. ³⁰ Dangu, ba tau maduaha dama poki da uhuku la halinggi anda, bada ronguyaka ba nahunyai Yesus, kapa aungu danyaka, "Miri, Ana nai Daud, namu aru kama!" ³¹ Na tau dangu na mbeninja nyuda kada kandi ba wada. Djiaba tuna, tamba hadirungu ma ada bada wara, Miri, Ana nai Daud, namu aru kama! ³² Hala, hi Yesus hina ndudi hala hina pa aunja nyuda. Hi wana Nyuna, garayaka na pambuhami na papa lakunggu Nyungga lai nyimi? ³³ ka wadaka nyuda, Miri, ma mbuhangu kada pabulang da matama wama. ³⁴ Hi Yesus na milanja eti nyuda, hala hina damaha da matada nyuda, hala la rehi nuna maka nyuda bada ngita beli, hala hida kikunyai Yesus.