PA AJARU RUKUNA PAHIAWA Mrk. 10:1-12 ¹ Bana hala ndabayaka napa paniwana hi Yesus, kalaku nanyaka Nyuna welingu la Galilea, hala hina taka la Yudea, la hapapa luku Yordan. ² Hala, na tau dangu nama kanguhuru hida kiku-Nya, hala Nyuna hina pa panjanja nyuda lai nu. ³ Ba tau mapiraha da tau Farisi da mai lai Yesus ka kamanya Nyuna ba wada hala hida paarang, Mala, na padening nu na tau mini kana pahiawa danya na papahana wangu dangu lata? ⁴ Hala hi wananja bana hiamaha nyuda hi Yesus, ka ndai baha aya kanadu Nyuna, nama padikanja nyuda weli amangu, bana panjadiha nyuda da tau mini dangu da kawini, ⁵ hala nyuna hina pulung, matawa nahu, na mini kana pahiawa danya na amana dangu na inana, hala kada kahaungu dangu na papahana, hala pakaduada nuda ka hau tolu ada? ⁶ Njadi, nyuda nda tau madua ahapa, taka hau tolu adaka. Lata nuna, garaya na pambada kahaunai Allah, ambu napa iha dunya tau ⁷ Hala nyuda hi wadanyai Yesus, Hala, kanggikinai Musa hina paretakama lapa wuangu huratu pahiawa dangu hi pahiawa danja da papaha? ⁸ Hi wananjai yesus, ba jiaya na tongguru eti dumu, hina pulinggai Musa pa pahaiawa danja da papahamu. Djaka djia paku yaka una, weli mulangu nda tuna nu a. ⁹ Dangu, Nyungga ku paninggau djaka gamuya nama pahiawa danya na papahana, hinggilu djaka njuraku nanya, hala jaka na nikah dangy kawini hawiangu, nyuna njuraku nanya. ¹⁰ Kawada-Nyaka dama kikungu, djaka tuna maduika da mini lei dangu da papaha, kana rihipa la pahamu djaka ndapa nikah. ¹¹ Taka, hiwananja nyuda hi Yesus, nda djia mbu hala ana na tau nama katakuya na kareuku yiana, hinggilu da nyuda da pakanyurung. ¹² Kanadu ba ningu tau na manda nikah kaba tuna numa welingu bana dedi la kambu ina na, dang ningu mai tau manda nikah kaba anguna patau mapandoinya, dangu ningu mai tau manda nikah kaba welingu lawikina mananya lailu na Pahanganji Surga. Taka djaka gamuya nama katakuya na kareuku yiana, mata kana katakuyawa." ¹³ Halaka, bama piraha da anakiada kudu hida karianja lai Nyuna mata Nyuna kapeku pamau naha lima-Na da anakiada nuda dangu kana hambayanja nyuda. Djiaba tuna dama kikunya hida mbeninja da tau nuda. ¹⁴ Taka, hiwanai Yesus, Mata bianja da anakiada kudu nuda. Ambu pabiata dunja nyuda la pamai lai Yungga kanadu na pahanganji Surga ba manguna na tau nama hama djangu da anakiada kudu yiana. ¹⁵ Bana halaka hi Yesus pa pamaunja lima-Na da anakiada nuda, hala Nyuna hina laku welingu lai nu. ¹⁶ Hala, kanamunyaka na haatu lai Yesus hina Pa arangu, Guru, gara mahamuyaka badi na papalaku kapeku ngalanya na luri palupang? ¹⁷ Hala, hi Yesus hina paninya na tau nuna, Ka nggikina hu pa arang lai Nyungga rukuna na mahamu? Hau ana na mahamu. Taka, djaka mbuhang munya pa tama la luri palupang tundunja nuda da pareta-paretaka. ¹⁸ Ka pa arang nanyaka nuna na tau lai Yesus, Pareta nama ginika? Na hiamai Yesus, Ambu pameti tau, ambu juraku, ambu bohu, ambu jadi hakahi kambalik, ¹⁹ tembiha da amamu dangu da inamu, dangu namuya na angumu patau hama djangu na wikimu. ²⁰ Ka wanaka na bidi mini nuna lai Nyuna, mbu halada nuda mbada tundu manggu njaka, ka nggarayapa nama ndedi lundungu? ²¹ ka wanakai Yesus bana paninya, taka djaka mbuhangu munya pahamu, lakuwa kau dangga halanja na mangumu. Hala, kau wuanya na tau mayilla, hala kau ngalangu ningu pawulu la Surga, hala, kau pamaingu pa tundu ngga Nyungga. ²² Taka, na bidi mini nuna, bana ronguyaka na kareuku nuna, ka beli nanyaka dangu handukana kanadu nyuna ba lalu wuluna. ²³ hala, ka pani nanjaka dama kiku-Nya nyuna hi Yesus, Nyungga kupaninggainya nama padening lai nyimi, ndana muda a na tau nama wulu la patama la Pahanganji Surga. ²⁴ Hili wanggunggai, Nyungga ku paninggau na rihi hamupa na heu unta kana tama li ningu la mambuawa utu welingu na tau wulu bana tama la Pahaganji nai Allah. ²⁵ Bada ronguyaka na kareuku nuna dama kikungu, ka hangataru danyaka nyuda, hala hiwada, djaka tunaka nu, ka nggamu aka dapa pamanangu? ²⁶ hina tangaru ha nyuda, hi wanai Yesus, djaka la tau, rukuna na yiana ndana peku a, taka djaka dangui Allah, mbu halana nuna daingu njadina. ²⁷ Hala, kawana kai Petrus lai Nyuna, ngitaya, nyuma mbada mayau halamanjaka mbu halada hala hima kiku nggau Nyumu. Hala, ka garaka pangalama? ²⁸ Hala, hiwananja nyuda hi Yesus, Nyungga, kupaninggainya nama padeningu lai nyimi, nama kikungga Nyungga la pinu tana bidi, ba talanga uhukuna na Ana Tau la kanjaka bokul-Na, nyimi mbu hi uhuku la pinu kanjaka hakambulu dambu duma la pabuatanya na hakambulu dambu kabihu Israel. ²⁹ Dangu, nimbihu na tau nama mbada mayaunja da umana, angu na paluhu, anawini na, ama na, ina na, da ana na, djaka ndia da wuakana lailu na tamu-Nggu daingu na pahangahu wundangu bana ngalang kangiaha luri palupang. ³⁰ Taka batuna, na dangu na tau na mamangilu na malamiri, hala, nama malamiri djiaya nama mangilu.