HI MUSA DANGUi ELIA DA PAWUWANGU DANGU HI YESUS Mar.9:2-13;Luk.9:28-36 ¹ Nomu mbua lodu la hambeli na nuna, hi Yesus na wandahai Petrus, Yakobus, lupa hi Yohanes angu dedi nai Yakobus, hala hina karianja nyuda la pahei la pinu palinda jangga ba didi miaha aha. ² Hala, hi Yesus hina panjilungu na rupana la hanggada nyuda. Na mata-Na na hambila hama djiangu mata lodu dangu da katari-Na da bara kanyilaku. ³ Dangu, ngitaya, ka pawuwang danyaka lai nyuda hi Musa dangu Hi Elia, bada pa banjarungu danyai Yesus. ⁴ ka wananyakai Yesus pariana hi Petrus, Miri, na hamu mapa lati djaka ni manu nda lai yohu, mata kaku pahadangu tailu mbua uma lai yohu, hau ndumamu Nyumu, hau nduma nai Musa, dangu hau nduama nai Elia. ⁵ Ba talanga pa banjarung napa hi Petrus, na awang nama hambila na pamaunja nyuda, dangu, ngitaya, ninya na kareuku welingu la awang nama wana, Yianaya na Ana-Nggu napa namunggu, lai Nyuna Ku parakangu. Ronguyawa Nyuna. ⁶ Bada ronguyaka nuna dama kiku-Nya, ka patika danyaka hida pudukuya na tana ba lalu mangadatu da. ⁷ Djiaba tuna, hi Yesus na mai tuamaha hina damaha nyuda, hiwananja, hadanguwa ambi mangadatu du. ⁸ Bada tangaraka ka nyuda, ka nda haatu apa pangita da, didi miaha ayaka hi Yesus. ⁹ Bada puruka welingu la palindi, hina paretaha hi Yesus ka ambu da paniwangu du lai gamu biaya lupa takanya na Ana Tau ba paluri beliya welingu la njuanga tau meti. ¹⁰ Hala, dama kikungu kapa arangu danyaka lai Nyuna, Hala, kanggikida dama pingu Taurat bana mai mangilu mapa badi hi Elia hiwadai? ¹¹ Nahiama hi Yesus, djaka djiaya na mai mangilu ma hi Elia la papalanyapunya mbu halana. ¹² Djiaba tuna, nahu ku paninggai ba bada mai manaka hi Elia, taka ndada tanda aya nyuda taka palakudanya na pambuha ma ada nyuda. Tuna numbui na Ana Tau daingu mayila mana la limada nyuda. ¹³ Taka, hina aka hida pinya da makikung ba pani wananya hi Yohanes parunung du Nyuna lai nyuda. ¹⁴ Bada kabeli kai Yesus dangu dama kikungu la tau dangu, na haatu tau mini na mai lai Yesus hina patika la hanggana hala hiwana, ¹⁵ Miri, namu aruya na ananggu ba hidu wutu manu nanya dangu lalu mayila ya. Nyuna na kali kanabu la epi dangu la wai. ¹⁶ Ku ngandi mayaka lati la makiku-Nggau, taka nyuda ndada maka a pa papanjanya nyuna. ¹⁷ Na hiama hi Yesus, Ha, nyimi ndalar manda parahaya dangu manjarangu! Ka pira mandai mapa badi Nyungga baku ndadiku karianggai? Pira mandai mapa badi Nyungga baku paliara nggai kanandigu dumami nyimi? Karianya namu na anakiada lai Nyungga. ¹⁸ Halaka hi Yesus hina kayakkaya na ngahu akatu nuna lupa na luhu weling la anakiada mini nuna, hala ka panjangu nanyaka na anakiada nuna la rehi nuna ma a. ¹⁹ Halaka dama kikungu mai danyaka lai Yesus, bada pamiahanguka dangu Nyuna hida paarangu, ka gikina nyuma hi ndama maka lapa wanggaya na wandi akatu nuna? ²⁰ Hi wananja nyuda, kanadu na parahayamu nama hakudung. Ku paninggainya nama padeningu lai nyumi, djapa ka hama karohu hawi aya na parahayamu, hi njadidu la papa ninya na palindi yiana, leling kau welingu lai yohu kau laku lai nu! Taka na palindi nuna daingu leling mana. ²¹ Nda ningua manda peku la nduma mu. Djiaba tuna, na ngahu akatu hama djangu yiana njadi lapa wanggaya wangu hambayangu dangu puaha. ²² Ba talanga pauhi dai Yesus dangu dama kiku-Nya la Galilea, hala Nyuna hi wananja nyuda, na Ana Tau pawuayaka la lima tau, ²³ hala nyuda hida pameti-Ya, hala Nyuna hina luri la lodu na patailu wana. Hala, ka dira handuka haka dama kiku-Nya. ²⁴ Bada taka ka la kapernaum, dama pauhingu hilu katiku 2 dirham da mai lai Petrus hida pa arang, Mala na gurumu ndana bayar a hilu katiku 2 dirham? ²⁵ Na hiama hi Petrus, "djiaya."Bana tamaka la uma, hi Yesus na kareuku da mangilunya, Ngiki wamuka nahu, Simon? Weling lai gamuka da maramba la pinu tana bada pahurung hilu katiku? Weling la ana daka djaka ndia la tau hawiangu ka? ²⁶ Weling la tau hawiangu, bawana kai Petrus, kawanakai Yesus , ka djaka tuna nu, ka bembahu danyaka da ana na. ²⁷ Djiaba tuna nu, ka ambu ta pahiduha da etida, maiwa kata lua pama ngiala la tamma. Pitiya na iyang pakawunga yapa hala kau wangaya na ngaruna, ka ngitamunyaka na hau stater. Kau pitiya na ndui nuna hala kau wuanja nyuda, nduma-Nggu dangu ndumamu."