DA TAU FARISI DANG SADUKI DA KAMANYAI YESUS ¹ Halaka, da tau Farisi dangu Saduki damai la pakamanyai Yesus. Nyuda da karaiyai Yesus kana pangita nggama hau tanda welingu la Surga. ² Taka na hiamai Yesus, djaka na mareni ka na rudungu, wami nyimi, na yarahu hamu bana rara na awang. ³ Halaka lambaru, na tungu na ngilu mbangatu kanadu na awangu bana rara dangu na kapatang. Nyimi mipingu bia nggiki hamana bai kawariya na rupana na awang, taka ndai njadi a lapa kawariya na tanda-tanda rehi. ⁴ Na hau ndalaru nama akatu dangu nama njuraku yiada da pambanangu pakarai hau tanda, nda djia njadi manapa kapa ngitanja bianjapa hau tanda, hinggiluna na tanda nai Wunangu Yunus. Halaka, Nyuna hina laku warunja nyuda. ⁵ Bada taka ka la hapapa tamma da papanaungu, ka maruambangu danyaka pa ngandi kanguta. ⁶ Hala, kawana ndjaka nyuda hi Yesus, Patandanya dangu rimangu badi la ragi tau-tau Farisi dangu Saduki. ⁷ Hala, ka pakiringu danyaka papani wanya nuna la hapa djiaha hala hi wada, djiaba ndata ngandi kanguta kabadi yia. ⁸ Taka batuna, hi Yesus na pimanya yiana napa pabanjaru wada hala hi wana, ha nyimi tau mahakudung parahaya, ka nggikina hi pabanjaru wanya la hapa djiakai rukuna banda ningu kanguta? ⁹ Mala nu ndedima hi pinya dangu ka ndai namu mayapa da lima mbua kanguta nduma tau lima rata, hala da rihida pira mbua kalikuda bai pauhinja? ¹⁰ Djaka ndia, pihu mbua kanguta nduma tau patu rata, hala da rihida pira mbua kalikuda bai pauhinja? ¹¹ Kanggikina hi ndai pimanya banda paniwangu nggunya kanguta a Nyungga lai nyimi? Taka, rimangu badi la ragi tau Farisi dang Saduki. ¹² Hala, hina aka hida pinya banda piniwangu nanya la parimangu la ragi kanguta a, taka djiaya napa ajaru wada da tau Farisi dangu Saduki. ¹³ HI YESUS DJIAYA NA MESIAS ¹⁴ Bana taka kai Yesus la Kaisarea Filipi, ka paarangu nanyaka Nyuna la makiku-Nya, mala bana pani wangu na tau, Nggamuya na Ana Tau nuna wada? ¹⁵ Da hiama nyuda, hawiang djiayai Yohanes parunung wada, taka hawiang djiayai Elia wada, taka hawiangu djiayai Yeremia wada, djaka ndia haatu wunangu ya wada. ¹⁵Hala, hi Yesus hina pa aranja nyuda, Mala, nyimi, gamuka ka Nyungga yiana? ¹⁶ Na hiamai Simon Petrus, Nyumu djikau Mesias, Ana nai Allah nama luri! ¹⁷ Hi wananyai Yesus, Pa pakanyurungukau nyumu, Simon ananai Yunus, kanadu banda tolu dangu ria aya nama paluaha gaunya yiana lai nyumu, taka na Ama-Nggu nama ninya la Surga. ¹⁸ Dangu, Nyungga nahu Petrus wanggu gauka. Hala, la pinu watu yiana, Nyungga ku pahadanya na kabungguru-Nggu hala na Ngaru pindu Hades ndada njadi a pakuahaya. ¹⁹ Hi wananyai Yesus, Pa pakanyurungukau nyumu, Simon ananai Yunus, kanadu banda tolu dangu ria aya nama paluaha gaunya yiana lai nyumu, taka na Ama-Nggu nama ninya la Surga. ²⁰ Dangu, Nyungga nahu Petrus wanggu gauka. Hala, la pinu watu yiana, Nyungga ku pahadanya na kabungguru-Nggu hala na Ngaru pindu Hades ndada njadi a pakuahaya. ²¹ Pakiring la rehi nu, hi Yesus na paluahanya la makiku-Nya Nyuna bana laku ma badi la Yerusalem hina dangu na pamayila wana weling la ama bokul- ama bokul, dangu la ratu kapala, hamangu mai dama pingu Taurat, hala hi pametiya hina luri beli la lodu patailu wana. ²² Halakai, Petrus hina yilaya la karaha na, hina mbeni-Nya, hi wana, Miri, padaingu manai Allah bana pamarauya nuna welingu lai Nyumu! Mbu halana yiana nda djia tumbu ana lai Nyumu. ²³ Taka batuna nu, hina pambelingui Yesus hi wananyai Petrus, Maraukau weling lai Nyungga, ha Iblis! Nyumu djiakau watu tunjuru Nggu kanadu ba ndau pamandu anya na kanandingmu la pambuhanai Allah, taka djiaya na pambuha pinu tana. ²⁴ Kawana njaka da makiku-Nya, djaka ningu ma mbuhang pa kikungga Nyungga, na mayau pakunya badi na wikina, na dukuya na harikang na, hala kana kikungga Nyungga. ²⁵ Taka djaka gamuya nama pamandunya na hamanguna na yamihuya na hamanguna. Taka djaka gamuya nama yamihu hamanguna lailu Nyungga, daingu na ngalanya. ²⁶ Gara ka untungna djaka na mangu halanya na pinu tana, taka na yamihuya na hamanguna? Djaka ndia, garaka pawuananya anguna patau hiluna na hamanguna? ²⁷ Kanadu, na Ana Tau daingu takana ba wangu mangaranguna na Ama-Na bada pakariangu dangu da Malaikat-Na hala hida himbaluya nimbihu na tau palatanya napa pandoi na. ²⁸ Nyungga ku paninggaunya nama padeningu, ninja ba tau mapiraha dama ndualaku lai yohu nda djia meti ada lundu nyuda da ngitaya na Ana Tau bana taka la pahaganji-Na."