NA UKU NAI ALLAH DANGU NA KALARATU TAU ¹ Halaka, ba mapiraha tau Farisi dangu da mapingu mapingu Taurat welingu la Yerusalem da mai lai Yesus hala hi wada, ² Kanggikina dama kikun-Nggau hida panggaya na kalaratu bokunda? Kaba, ndada bahadu limada bada ngangu kanguta! ³ Hala, hi wanai Yesus bana hiamaha nyuda, hala, nyimi ka nggikina hi pangga mbuyai na paretanai Allah lailu na kalarat amu? ⁴ Kana pulunai Allah, Tembiha da ama inamu, taka, djaka nggamuya nama ratunya na amana djaka ndia na inana, pa huku pametiya. ⁵ Hala, wami nyimi, Nggamuya nama wananya na amana djaka ndia na inana, Nggara biaya na pambada ngalamu pa mbada marakungu yaka lai Allah, ⁶ ambu na tembi duyapa na amana dangu na inana. Djiayaka, ba pabiata minyaka na pulu nai Allah lailu na kalaratumu. ⁷ Nyimi, tau kambalikukai, na padeningu maduka napa paninai Yesaya rukumi nyimi: ⁸ Na banjaru yiana da tembika Nyungga wangu ngaruda, taka na etida na maraupa welingu lai Nyungga. ⁹ Hala, hawiangu da marubuku-Ngga hala hida pa ajaru wangu pareta tau. ¹⁰ Halai, Yesus napa aunja da tau dangu hiwananja, Patingingu dangu kai pinyawa! ¹¹ Nda djiaaya nama tama la ngaru a nama pamarihaku ya na tau, taka nggaraya nama luhu welingu langaruna, djiaya nama pamarihaku ya na tau. ¹² Hala, kamaidanyaka dama kikunyai Yesus hida paara-Nya, mbada pimunyaka Nyumu bada hidu ka da etida da tau Farisi bada ronguyaka na papanimu? ¹³ Hala, hi Yesus hi wana bana hiamaha, na papamula na panda pamula na na Ama-Nggu na maninya la Surga pa butaya lundu taka la amuna. ¹⁴ Mata bianja nyuda. Nyuda mapakapipi mapoki welingu la tau mapoki. Hala, djaka na tau poki na kapipi hama tau pokina, pakaduada da kanabu la walabongu. ¹⁵ Hi wana-Nyakai Petrus, paluahanggamanya na pangiarang nuna lai nyuma. ¹⁶ hi wanai Yesus, kamala kandedi hi pimanya nu? ¹⁷ kamala ndai pimanya mbu halana nama tama la ngaru nama puru la kambu na pawarungu ka jamban? ¹⁸ Taka, djaka nggaraya nama luhu welingu la ngaru wuwana welingu la eti, taka nunaya nama pamarihaku ya na tau. ¹⁹ kanadu welingu la eti ngia paninya na kanandingu akat, na pameti tau, na njuraku, na njala ba njuraku na bohu, na hakahi kambaliku, dangu na palaping. ²⁰ Djiaya yiana maka nama pamarihaku ya na tau, taka na ngangu ba ndapa baha lima ndana pamarihaku aya na tau. ²¹ Halla, ka lakunayakai Yesus welingu lai nu hina hanahungu la paraingu tirus dangu sidon. ²² Halla, na haatu kawini kanaan na maninya la paraingu lai nu na mai hina paaungu, Namu aruka Nyungga, Miri, Ana nai Daud! Na Ananggu kawini na runukuya wandi akat lalu mayila ya. ²³ Taka, nda hauma, pahiama wananya na kawini nuna hi Yesus. Hala, ka mai danyaka dama kiku-Nya hala hida pambana-Ya, hi wada, Parahanya nyuna kana beli kaba wara manu nanya nyuna namu lakadjianda nyuta. ²⁴ Halla, Nyuna hiwana bana hiama, Nyungga papaliawa la mbimbi dama mbulang welingu la banjaru Israel. ²⁵ Halaka, na kawini nuna hina mai tuamaya hina patika la hangganai Yesus, wananya, Miri, ndula aruka! ²⁶ Taka, wanakai Yesus bana hiamaya, Ndana hamu a djaka pitiha da kanguta nduma anakiada ka ndauhanja da ahu. ²⁷ Taka, wanakai Yesus bana hiamaya, Ndana hamu a djaka pitiha da kanguta nduma anakiada ka ndauhanja da ahu. ²⁸ na hiama na kiwini, langataka, Miri, taka da ahu nuda da ngangu kamumu ma kanabu welingu la menja na mirina. Halai, Yesus wananyaka, Ha kawini, na bokul na parahayamu! Na jadiwa lai nyumu hama djangu na pawukumu. La rehi nuna maaka, na anana kawini bana panjangu. ²⁹ Nalakui Yesus welingu lai nu, nali lahalinggi tama Galilea. Hala, bana heika lapinu mapalindingu, Halaka uhuku -Nayaka lai nu. ³⁰ Halaka, na tau dangu na pauhingu bana mai lai Nyuna, da ngandiha da tau makaliparu, pongu, poki, kambiu, dangu da tau hawiangu. Hala, hida pakatudaha da tau nuda la wihinai Yesus hala Nyuna hina papanjanja nyuda, ³¹ kahangataru nanyaka na tau dangu bana ngitaha dama kambiu bada kareuku, dama pongu bada langaka, dama kaliparu bada pangga,dangu dama poki bada ngita. Hala, nyuda hida pamangaranya na Allah Israel. ³² Hala, hi Yesus hina paaunja dama kiku-Nya hala hiwananja, Ku milanja eti da tau nuda kanadu mbada tailu mbua lodu daka bada kariangga Nyungga hala hinda ningu a pangangu. Dangi, Ndaku mbuhangua pa parahanja pabeli dalungu manjuda napa da haluputdu la anda. ³³ Hala, wada -Nyaka dama kikunya. Langginika tangalangu ningu kanguta la pangia mamalingitu yiana kata pambihuya na tau nama dangu yiana. ³⁴ Ka paara nanjaka nyuda hi Yesus, pira mbuda da kanguta dama ninja? pihuda, dangu ana pira ngiu ada da iyang kudu. ³⁵ Hala, hi Yesus na parahanja da tau dangu lapa uhuku la tana. ³⁶ Hala, piti nahaka ba pihu mbua da kanguta dangu da iyang kudu nuda, hina pamalangungu, Hina kawita-witaha, hala hina wuanja dama kiku-Nya, hala dama kiku-Nya hida wuanya na tau dangu. ³⁷ hala nyuda hida ngangu lundu mbihuda. Halaka, hida pitiha da rihi ngangu da, ningu pihu mbua kaliku mbinu da. ³⁸ Nyuda dama ngangu ningu patu rataya na mini ndapa niha aha da kawini dangu da anakiada. ³⁹ Hala, piti nahaka ba pihu mbua da kanguta dangu da iyang kudu nuda, hina pamalangungu, Hina kawita-witaha, hala hina wuanja dama kiku-Nya, hala dama kiku-Nya hida wuanya na tau dangu.