¹ Jia ba tuna, na rihi hamu pa kama ndadiku miaha kadi la atena, ² nu ba talanga paliawa manya na angu dedina i Timotiu angu dedi ma nyuma nama njadi bada tundunya Ala, da angu rama da li pulungu karitu, ba tuna nu da ha atu lai nyimi maka ndulingu na panaungumu angu mapa ndumangu lama pawaimu. ³ Da ningngu a ha atu tau nama da ngguada la pinu mayila yiana hama tuna nai nyimi mbai pinya nama padeningu welungu lai nyuna. ⁴ Ba tuna nu da ha atu a lai nyimi ma ka ndulingu ruku da mayila da. ba ni, nggama palai lai nyimi, bana piaka haha manggaika ba njiangu ta mayila ma. Taka nuna bana njadi langataka manaka ba pi wiki ma diminya. ⁵ Tuna nu duka hi, ba daku njadi lapa tahangu, kajupu rinjung ka lapa pinya jaka nggi tuna na kadu tuhu mi la ngiara mapa wai. Na nggidikku na etinggu jaka na haranga paku jaka na pakama nggai parai na i kambaliku, lundu kama hiawa ana kabu da bana njarama. ⁶ Nahu, bada, beli naka i Timotiu ndangu bada patakangu lai nyuma na li langu baha eti ruku na hori pawaimu lai Karitu dangu rukuna marangga pa mbuhangumi, beri hama na nyuma ba marinjungu pa hamburu kau. ⁷ Tuna nu duka, nyimi angu dedi, na li langu ruku mi nyimi njia napa nggauru wada etima lapinu mayila yiana. Na pawaimi lai karitu nama pambakulu ha da etima. ⁸ Taka mahi padanya, nahu bana luri langataka manyaka mili aru nyuna kaba daingu mbai pa mbulungu angui Miri. ⁹ Kanjupu mbokulu yana pamalangungu ma lai Miri mbulu daba baha eti welingu la hangga ruku mi nyimi, hama tuna bada pahilingu mbulu da bana napa pahamu wangu lai nyimi?. ¹⁰ Maka mahi weli eti lai Miri la lodu rudungu kapeku paita patada lapa matu yiana maka la na tuda lapa pangia pawaimu. ¹¹ Mala aru ki i Ala wiki na amada angu na Miri da, i Yehu wiki, angui Yehu, na Miri da nyuta, i Yehu nama kaluku ngga la anda nama pahamburu danggai nyimi. ¹² Mili aruki i Yehu kana pawiti nggainya ka hama huka na tau, hi nama pambuhang mbuajangu na mbuhangu mi. ¹³ Nu ba timi nu napa i Miri kana pamandunya welingu dama ninya la etimu hi lundu matua hi ningngu nyurami la hangga nai Ala Ama da nu la rehi maina na Mirinda i Miri da nyuta, Yehu, dangu mbulu daba na na tau nama manundu.