¹ Angu dedi nggu, pi maminya ba nda kahiawa na na tadalu manggai. ² ka njapang kai bama handuka la kawunga na hama na pilipi, nyumu bada ningngu ka turu beni welingu lai Ala lapa buabar nggai na li pulung nai Ala la padua mapambiara. ³ Ka nadu, na kamahi manggai da hau manjarangu aya, dangu da wangu pawuku manda tanji mbuya, angu da li panyuanga aya, ⁴ langataka ndama kiaha kana liya na eti tau da wama a hima kareuku, kana li ya na etina i Ala, nama makanja da etima wama dumma. ⁵ Nyuma dama mai a wangu kareuku minangu, beri hama na pa pimi, jaka ndia lapa kahili kai lapa pahini wanya na ma nganga etima..hakahi ma i Ala. ⁶ Kiaha kana tembi wanda tau da wama mbu, kama paweling lai nyimi kai jakka ndia kama paweling la tau hawiangu, ka njapang kaba wunang nai Karitu, napa kiaha ma lai nyimi. ⁷ Na nyuna, ma malijangu maya duma napa wama ba ningga ma lapahik mi, hama tuna ha atu ina nama lumungu ana na. ⁸ Ka nadu, ruku na mbuha langataka manggai, ma mbuhang mbu pawuanggai nya na luri ma nda didi biaya na li manang weling lai Ala, ka nadu ba njapu namu manggai. ⁹ Ka nadu, kai namu maiya, angu dedi, parukang angu nama pambangatu ma parama, bama marana wangu lodu dangu ruddung, kiahangu ka ambu ha atu papambotu lai nyuda ba wamanggai, ka nadu bama buabaru nggai na pulung nai Ala lai nyimi. ¹⁰ djiakai nyimi maka hakahi angu i Ala, na tanji, na padeningu, angu da ningngu koru na bama luri la huanga mi nama parahaya. ¹¹ Bai pi madunya, mapanaungu, maka mahinggai, mapaliawa kai la dumami, beri hama na ha atu ama nama hangganya na ana wikina, ¹² ka nadu kai luri tundunya napa wuku nai Ala, nama paaunggai laparaingu na angu nama ngunju wiki na. ¹³ Nyuma ma hanggiala hawuala hanggang lai Ala nduma na yiana, nuya nu djiaya na ngiara kataku minya na pulung nai Ala, napa rongumi weling lai nyuma, mi kataku ya nda njia aya na hilu tau, ka nadu nama tuna nama padjiangu, na kareuku nai Ala, nama rama lahuanga mi, tau ma parahaya. ¹⁴ Angu dedi, nyimi bada njadi tau ma pareta ha da kabungguru nai Ala lai Yehu Karitu nama ninya lai yundea ka nadu nyimi bada ngala minyaka na handuka nama pahama, nama pawelingu la tau angu paraingu wikimi, hama dapa pangala da welingu la tau yahundi ¹⁵ dama bada pameti yai Miri Yehu angui mbui da wunangu dangu da yaulu kama nyuma. Nyuda ndeda pahana nyai Ala angu da muhhu halanja da tau. ¹⁶ Da paratahu kama pakareuku duma da tau nda yahundi dumangu lapa pamanna nja. Djiamahaka nyuda ndama mbuajaha nda njala nda, nahu puru nahaka lahangga na lai nyuda. ¹⁷ Angu dedi, la nduma nanu ndapa hiawa nggama la tolu nda welingu lai nyimi nda djiaka da hamangu nda. Nyuma lalu namu manggai angu parinjungu la pahamburu kai. ¹⁸ Ka na ndu, nyuma mbuhang pahambur kai nyimi, njapang kai nyungga, Paulus, mbada pambira wundanguka, ka na ndu i Hetangu ndama ndimbaku kama. ¹⁹ Ka na ndu, ngamu nyaka napa monung, na mbaha eti, njiaka ndia napa hanangu wama nyuma la hangga nai Miri Yehu njiaka na mai? nda njiaka nyumu? ²⁰ Nyimi maka pahamemu wama angu pambaha eti wama.