¹ Weling lai pauluhu, angui timotiu ndumang nama pawai la Tehalunika, nama ninya la Allah Ama dangu lai Miri Yehu karitu.Panamung ndaha walu ndangu na ndami ka nda manggagau. ² Ma wotu haila nyai Allah ndumang mbulu ndaba, ndangu ka na panikau lahambayang ma, ³ Namu manu ya naparama mapawai, parukang papanamu, ndangu patutung pamonung lai Miri nda, Yehu Karitu, la hangga nai Allah ndangu la Ama nda. ⁴ Angu ndedi nggu napa namu nggu lai Allah, kai pinyawa mba mbada pindi nanggau. ⁵ Ka na ndu na pulung na namai nda njiaka hilu njuwaya, njeayai ka weling la kuaha, Ngahu Matua, ndangu parahaya langataka, hamana napapimu tau ngiki hamana nyuma lahuanga mi nyimi, nduma na napaparalu mu. ⁶ Nyumu mbada njadi tau nama ajaru kama nyuma ndangui Miri ka na ndu mbada ngala munyaka na pulung na la ndalu ndangu nama handuka ndangu na hanang weling lai Ngahu Matua, ⁷ Kau njadiwa ma pingu ndumang mbulu halana tau nama pawai la Makedonia ndangu la Akhaya. ⁸ Ka na ndu, weling lai nyuma na pulung nai Miri hi na rongu ya na tau pawai la Makedonia ndangu akhaya, ndangu la mbulu ndaba pangia, na pawai mu lai Allah mbada buabar nanya hi nyuma ndama paralu lapa paninya na gagara. ⁹ Ka nu ndu, nyuna wiki napa niya ruku na nyuma, nggiki wanna mbau tarima kama,ndangu nggiki wana mbau kabeli lai Allah weling la nama ndapa ndening ndumang patundu nyai Allah nama luri ndangu nama padening, ¹⁰ Ndangu panapa ya namai na Ana-Na weling la awang,nama hadang mbeli weling lahuanga tau meti, njia yai Yehu, nyuna maka nama pahallata nyuta weling na harruna njiaka na hili mai.