¹ Nahupu njapuna, angudedi-angudedi, nyuma makarai ndangu mapanaunggai da lai Yehu Karitu kapeku hamunai nama pabada ngalami welingu lai nyuma nyeka nggiki hamu luri mi badi kai liya na eti na i Allah, palaku ya nama rihi hamu. ² nadu, kaba pindinanyaka napareta-pareta na pambada patakanggai lai nyimi lahupu li kuaha na i Yehu Karitu. ³ Nadu, yiana na pambuhana i Allah:bai pamatua wikimi, kai wilirunya mbu ndabana na luri iraku; ⁴ Nadu mimbihumi kai pinya nggiki hamana kana kuaha ya na ihi tolu wiki na da la pamatua wikina ndangu na tembi wikina, ⁵ Ambu namatu ya na napa mbuha tolumu hama tuna napa wunda da da tau manda tada ya i Ala, ⁶ nu lama tuna nu ambu njia ha atu ma wunda ma njala la angu dedi na nyeka ndia lapa panyonga ya. nadu i Miri nahuku nja da tau dama wunda ha da njala tungu nu, bama panamu manggai amangu. ⁷ Bana paaunda i Ala da jia aya kata luri kajari, taka kata luri pamatua wikida. ⁸ Taka jia duyaka nu, na tau nama tebuku ya yiana na li papekanggu, da tebuku nanya tau'a taka tebuku nanya i Ala, nama wuanggainya na ngahu matua na. ⁹ Da nggara wanggu apa lapa tulihu nggainya jaka nggiki hamana bai mbuhanja da angu dedi angu pawaida, bada papeka manai nggaika paraina i Ala lama rangga pambuhangu dangga angumi. ¹⁰ Taka, nyimi bada palaku minyaka la mbu dabana la ngu dedi la nggubulu tana Makandonia. Na nyuna, angu dedi, makarai pabana kai kapeku paloku minya na rihi hamu, ¹¹ pamukarunguma pa luri madangu, uruhu ya na ngiara wikimu, dangu matawa kai rama dangu lima wikimu, hama tuna napa bada papareta nanggainya, ¹² kapeku ngalumi papa laku ya na luri dangu manjaku la hangga tau hawiangu dangu dana jaka anggai ngga nggara. ¹³ Angu dedi-angu dedi, nyuma dama mbuhangu a kataka nyimi ndai pinya ruku da da tau nama bada meti ka ambi handuka hama tuna da tau hawiangu manda ningu monungu da. ¹⁴ Mba tuna nyuta duta ta parhaya maya ba bada meti naka i Yehu dangu ba bada luri beli naka, tuna nu duka hita parhaya mbuya i Ala bana paluri beliha mbu dabana na tau mapa wai lai Yehu kada luri lai nyuna. ¹⁵ Na ngiara na nuna, yiana ya na li papekangu na i Miri na papa takangu ha ba wamunggai na rehi mai nai i Miri, nyuta ma luri pa larehi nu da njia mangia danja da tau nama bada meti mangilu. ¹⁶ Napa na wara pakodungu na ngora papalewa dangu hina pani ya na toru pitu na i Ala, kanjia ya na tanda hi pa irungu, hala hina puru wikina i Miri welingu la awangu, taka da tau Karitu da ma bada meti hina paluri mangilu ha. ¹⁷ Halaka nu, nyuta maluri nama dakikupa, papadita pakariangu ta dangu nyuda laka rumangngu papatabuku danya i Miri la kuru awangu, taka hina manundu lai Miri. ¹⁸ Jia ba tuna, yiana napani ka jiaya napa wangu mbai marangga pamandungu ndua wikimi.