¹ NAPODAHUNAJA DAHALANA MANG HINNA PATEGAHUYA HI YEHU NATOU NAM KARAKKA V 1 Nadeatanguka ta teana, palang tahiknanyaka mang hinna toma ta tana wikki-Na hi Yehu ta koata pingi paengangu-Na. ² Mang ittadajak damma maraina-Nya natou nam karakka nam tiddi touna anamaturu tappa doungu.Anna ittadajaka nappangadanguda nam manning, panewi dengananyaka hi Yehu natou karakka,''Pamaddunyaya na atimu, akuana-Gu, da doaku jalamu Ku poddahgujaka winnanyak.'' ³ Mangaka, amijaka hawanguk da ahli Taurat, ''na tou nei pakitungna-Nya widda taatida!" ⁴ Jiadinguka hi Yehu napeanya napangadanguda,jiaya hi winnaja,''Mang gawali nyiami him pangada dakaloling ta atimi? ⁵ Beinya nam reihi dehha atikiya, da doku jalamu poddahgujaka awidda, jakka 'Kiddiyaya halakuyaya awidda? ⁶ Nou nam, kammi pikki peanya atoukana ta pinnu tana na Ana Maraba Alla jiaya na eingu Kuahana anna poddahuha da doku jalada.''Mang nouwu, panewi dengananyaka hi Yehu na tou karakka,''Kiddiyaya, hadulyaya napadou juddamu, baliyaya!''winnanyak. ⁷ Jiayaka hinna kiddi mang hinna bali. ⁸ Mangaka, natou dangu anna itayaka nam jaji, kabarra dengananyaka manga wuatu hailananyaka hi Moiri nam hapurunya na biaha-Na ta tourara. Hi Matius nam tagi hi katiku anakeriya hi Yehu. ⁹ Nabali wali nounaka hi Yehu, ittananyaka hi Matius naha widdang tanga ngoduna tapadou pingi papakehadaja da hi katiku. Jiayaka maiyaya ''Keriwaya Nyouwa winnanyaka.''Mangaka, kiddinanyaka hi Matius anakeriya hi Yehu. ¹⁰ Mang tangangoduna hi Yehu anna angu ta roangu umma, amijaka dam taggu tagi hi katiku jakka da tou dakallung, adda a,denganya hi Yehu jakka da muritun-Na. ¹¹ Da,itta tanouwalidanyaka hei da tou parihi,widdalijaka da muritu-Na, Ga na gurumi hinna a,dengalija damma tagu tagi hi katiku jakka da tou dakallung?" ¹² Jiadinguka anna ranguka hi Yehu, winnapang,''Natou nam sehat danna parlumang mataungu moru, nam kadauku jiaya nam parlu mataung moru. ¹³ Hiwigu nougimmi, halakuyaya kammi piki peanya naha wiggu dengagimi ya,'Napa buha-Gu Nyouwa napa namung jiaya, dajiamaya gananya napawoami ammi manuatu waingu, mangali wiggu jellagimi A,amiga tapinu tana Kakku manyeraja datou warah dawiggumang, mulanaka natou majurak dam kallung nam doaku jalana.'' V 14 Mang ammijaka damurituna hi Yohanes lahi Yehu adda patutur,''Gawali nyiama jakka datou parihi himma puahali, mang damuritu-Mu dadda puahakangu?"widda-Nya. ¹⁵ Jiayaka pagaping nanyaka hi Yehu winnajakka, ''Penyanammu eijellang mahadukka atidengaja damma pa,la arraweingu adutuha apakahangija takorru ummada? Jakka anatomakayaka narahina anadekiya na moani waling talihida, jiayanguha dudda hidda puaha hidda hukung pa,angu jakka pa,inung.'' ¹⁶ Daeimang hatou tekka nam biha anna pakka dekkanya nakaba bua jakka takaba dei, peala jiaya hinna taba majirrak nakaba bua. ¹⁷ Toujellana na anggur nam buangu danna bihamang aburiya ta arrung dei, atonoukanaka, doirinanyaka na arrung mang boangunanyaka na anggur,mawuwutuknanyaka na arrung. Jiayaka, na anggur nam buangu bijallu jellayaha ta arrung nam buangu mang hidda meara kallung.'' V 18 Tanga panewi hinguna hi Yehu tu,ana nei weiga aminyaka hatou nam kapalanya na uma pingi pahabayang ana karada-Nya, mang winnaka,'' Na anagu na lakeada mawinni bua mati hinguna winna. A,amipa-Gu kammu jami wainya lima-Mu enga morikuna.'' ¹⁹ Mang kiddinanyaka hi Yehu anna keriya natou weiga, jakka damuritu-Na attujelaja. ²⁰ Jakka itta jelladanyaka a,aminya nama winni nam kadauku boangu ra, habulu duba dounaka madeina, mang hinna lihinya hi Yehu, na jamiya na koapi-Na waling takadeanga-Na, ²¹ alanga winna memma taatina anapanewi, ''Malli kujami hingunanya na koapi-Na, enga teggahugu winna.'' ²² Jiadinguka hi Yehu nagillak bali anapatetinya nama winni weiga, winnanyaka, Pamaddunya na atimu, akkuana-Gu, na manningumu napa tegahwukka winnanya. Noujella na teggah memma nam winni weiga. ²³ Natomaka ta umana na kapala uma habayang ittanajaka dam tabbung jakka natou dangu nama kabayak, ²⁴ mang winnajaka datou dam eija, ''Huyaya halakuya,jiadiya na lakeada mawinni nei dana matimangu, judda kadinanya, winnajaka.'' Mang malikdanyaka hi Yehu. ²⁵ Atonounana, talida anawurutuja datou dangu,tamananyaka ta uma hi Yehu mang hinna kerranya na limmana na lakeada nam mati hinna kiddi bali anamorik. ²⁶ Jiayaka hinna rangu bollu ngara dukana naloada nouw. V 27 Nahalakuka waling nou hi Yehu, amijaka dam toumaduaha adakeri-Ya jakka ada patiwu-Nya,'' Millakigama ati nyiama, Anan hi Daud widdanyaka.'' ²⁸ Natamaka ta roangu uma nouwu,tomada-Nyaka dam kaboala weiga, jiayaka hinna tuturuha,''Penya mi waikadi-Ga Nyouwa akupategahumi?'' Jiayaka pagapingdanyaka, ''oa,a Moiri'' hi widda-Nya. ²⁹ Mang jiayaka hinna jamidaja hi Yehu da wua matada, kanajajika keriya na manningumi hi winnaja.'' ³⁰ Mang alolu tawehadanyaka da wua matada. Napeaka jellajaha hi Yehu,''Mipaatiki abieimangu pingi haloluk minya nam jaji ya weiga.'' ³¹ Jiadinguka dudda dalohukinguka waling nou, tikidanya nam jaji nam waling lahi Yehu,jiayaka hinna peabollung ngara dukana naloada nouwu. V 32 Talidaka dam toumaduah dam kaboala, italidajaka datou adda marainya lahi Yehu nam kabanga nam regga moritana. ³³ Mangaka wurutnanyaka hi Yehu na moritana, jiayaka hinna panewi nam kabanga. Natou dangu darekka kabarramaya, Dadi eimanguha paittada majaji tanouna ya ta Israel widdak.'' ³⁴ Mang dudda datou parihi widdak,waingu moru waling ta moritanana-Nya anna wurutung moritana widdaka dudda.'' V 35 Mang halakunanyaka hi Yehu anna nahiya napa paraingu jakka na koata, anna hakoalaya natou ta uma pingi pahakoala jakka ta pingi bahabayang, anna ajaruha injil waling lahi Moiri, mang hinna pategahuya nam kadauku hinna poddahuya na panyakit. ³⁶ Naittahaka da tou dangu hi Yehu, milla atidenganajaka anna dakkaha joili jakka adda tiddi kaihak mearang beabu dam eingu majawaha. ³⁷ Mang jiaka Hi winnaja damuritu-Na, ''Darekka dangumaha dawuana jiadinguka dam pupuha hakudukida. ³⁸ Jiakadiyaka kareiya hi Moiri namma pingija dapingi ai, jakka nam wuaja dawua ai, kana piki woada mapupuha dawua ai-Na.