¹ Kadang nyouwa napa kabugu kami penya nama toukana bakkuluna napa kerragu tutu tagumi jimi, tutu taguda ta Laodikia, jaka tutu taguda duda dadi ma ittaya na hadana. ² Nyouwa ku hamadduja na atida kana ma loayang hiku oali maraija aku namuha jaka ngala dukana nama eingu jaka hamadduja pangadang tadalu ata peanya napa kabuning nama tutu tiddi lahi Allah, ya jiaya hi Kristus. ³ Lahi Dunnaya einya napa kabuning ngala daha wa'i waling napa pangadang jaka napa itta. ⁴ Nyouwa hiku tikkiya abi eingu hatou akka nama tipumi ana waingu hilu napa waidengadanya. ⁵ Jaka lakka daku oali maraigimi toungu pata tou rara, nyouwa enga tagugu aku oaligimi ta hangahu harrina. Nyouwa na egina atigu aku ittaya napa wolumi jaka ana kullihu na manningumi lahi Kristus. ⁶ Toungu ami kaya hi Kristus Tuhan, mi halaku maraiNya, ⁷ Kami palolu lahi Dunna, na morrik lahi duna, mi kullih tadalu manningumi toungu napa langa peakadagu lahi ou, jaka mu pareihi- reihing amu wuatu haliya na ngarana. ⁸ Kamu patetinya da eimang hatou akka nama ohal waigu ana tipuwu ana tau rahi walluk napa walu jaka pangadang tou rara, a keriya napata napa wolu tou rara, jaka dama toungu napata lahi Kristus ⁹ Kadang lahi Duna nou bolluya ngala nama patu'a nama padeneng napata tou rara na hi Allah. ¹⁰ Jaka jimi nou bollu mika lahi Dunna. Jiaya na pingina waling ngala nakullihuda jaka nama einguda. ¹¹ Lahi Dunna, jimi kahapi mika dapa wolu tou rara maya, jidinguka kahapi nagimi hi Allah. ¹² Jimi tanu maraidagimi-Nya nou a ihumi. Jaka lahi Dunna jimi pakiddi balimi waingu manning ta wawa pareahana hi Allah, nama pakiddi baliya Dunna waling ta joanga tou mati. Jaka peala amu mati na ngala napa wolu dama patu'a jaka dapa kapokar pata tou rara, jiaya himu buhang ha morrik denganya jaka hina poahi poddah daja ngala dukana napa woluda nama jala. ¹⁴ Na poahi poddah daja da doku jala dapa tulih jaka nakanogu dama patu'a. Jiaya nama pa murrah bolluja jaka hi pakuha ta ai harrika. ¹⁵ Jiaya nama pamurrah bollunya ngala nama kullihu jaka napa pa'akang. Jiaya hina patekkanya nama jaji ana talu wainya na ai ha rikana. ¹⁶ Ya jiayaka, abi eikang hatou aka nama paru'gu tapa angu anang pa inung, anang laddu pahabuatumu anang wulang bua, anang laddu - laddu papahigil. ¹⁷ Ngala dukada jiaya namawuna nama amming, jidika nama jaji jiaya hi Kristus. ¹⁸ Abi eikang nama ngiki waigimi manga himi louhungu ami jaunya napa awi panamu napa langa kollimi ha jiaha dama walluk ada hawawa wikida jaka da pamalanguya da malaikat. Toungu hatou nama langa tama hina ittaya wainya matana jaka jiaya napa kabohuk dengana ana waingu pangadang taguna. ¹⁹ Jiaya hi dana patungu ta katiku. Walina ta katiku hina patungu ngala na ihina jaka ngala na urana, jaka ngala kaluana napa tungu jaji hangi, hina tubu ana morrik wainya na morrik napa woana hi Allah. ²⁰ Jaka jimi ami mati maraikanya hi Kristus ta pangadang pinnu tana yayi, ga himi morrik ami keriya napata pinnu tana: ²¹ "Abi kerranya, abi jalliya, abi tuddakuya?" ²² Ngala dukana ya na hawolu wolluk wainguya, keriya napata pawoluda duda tou rara. ²³ Ngala nuku hara napa woluda magga jiaya nama patu'a napa kabuang napa wolu taguda. Daha wawa wikida jaka ada morrik toungu dama einguma jidika da eimang hina nama taluya napa pangadada ana deha