¹ DEKE PANGEDDA BARRA IYA PADOU-IYA PADOU WADDEKA 1 Patekina nawa panomba. Lii Mori amme ponnu negeri Hadrakh monno Damsyik, nyawe engana dangi pa dou pa dangi waii da. Hinna ko, ngara kuwa mata ata monno ngara kuwa kabissu Israel a sangga barra Mawolo Marawi. ² Nawa Hamat appa ole watte dengadi, ngara Tirus monno Sidon , lango kopo hidda mba pande langu takka. ³ Tirus napa keddewe benteng tubbawe tou douna monno apa dendadi doka tudda pa'u tanah monno emas, tudda rede lara dana. ⁴ Nebba ndeku koge, Mori nyaddona rawiwi damanguna monno na palu dawe newe pa wessida ne bonnu dana, hinnako nya engana nga'a pade'e di sapi. ⁵ Askelon engana etawi, monno kanama dauta, Gasa engadi aka dadaka monno hidda Ekron, orona pangedda dana tomawe. Rato Gasa engana binasa monno Askelon da engaki aka nawa balli. ⁶ Ana wali murri da appa kaulana engadi mba dangi nee Asdod, monno yowa engana appa de'edi nepa rawi'da ata Filistin. ⁷ Yowa enga ge baku saikaradi ra'a walli ngada ndanana monno madinggila walli gundu danana. Hidda a dangi engana mba tora nadi Mawolo Marawi da ito monno tudda ata pareta nda kaum nee Yehuda. ata Ekron ata Ekronakan na tudda ata Yebus ata Yebus. ⁸ Yowa enga ge baku dangi barra umma gu pa gaina tentara monno daki iya ata paga la'o paga mai. Daki dommo bana penindas a lewata, hinna nee yowa ndouna akadiwi. Rato Ammena ⁹ Kawulla ge newe ama lii na, yemmi mawinne Sion! Kawula kadenga ge, yemmi mawinne Yerusalem! etawa, ratomu a mai barra mu; Nya mbia monno appa tolekami, pa radda kage atemu monno kaka letewa na iya keledai, na iya ana keledai. ¹⁰ Nya appa bunna kawi kereta wali Efraim, monno dara-dara wali Yerusalem. pana papa tau wai'da engana mba pata ndadi. Nya enga na appa newege newe a molli dame ne iya padou-iya padou. newe padou pa douna enga ge mbana mana la rawe wali bonnu dana dikki bonnu dana, wali loko Efrat dukki ne'e kadukka tanah. Mori Enga ge Napa Tolekawi ata Ndekuni ¹¹ Tubba nawe yemmi, oro nawe raa papa nanggogu ne barra mu, Yowa enga ga baku pa sellawi ata-ata papatumi wali kalena da mangu we'e na. ¹² Wali mi ne'e benteng mi, yemi ata salah a tutu pangedana! newe loddo , Yowa ku panewe ge ne barra mi mba Yowa a bayar ge nepa rugimi a pondo pando! ¹³ Mba ndeku koge, Yowa engana a tumba'da Yehuda olena ndi ana pana monno appa i denga nandi Efraim. Yowa engana appa keddewi lakawa-lakawa mi, yemi Sion, tubbana gobbadi lakawa-lakawa mi, yemi Yunani. Yowa enga nna appa ndadi migi yemmi tudda we katopo appa iya ata pahlawan. ¹⁴ Mori enga ge napa tingngo ge taouna barra da hidda, monno lakawa-lakawa ana pana nda engadi mba paselawi olenadi kabaraka. Mori Mawolo Marawi enga ge mbana powi sangkakala, monno enga ge kako paga nepa pa dou paringngi kapote wali selatan. ¹⁵ Mori rawina langita monno tanah enga ge bakka rawa wi hidda. Hidda engana appa de'e di monno adeke-deke di togo-togo umban Hidda engana enu ra'a olena anggur monno engadi mba bonnu na olena bokor pa burri wai, olenadi uppuna-upuna mezbah. ¹⁶ Mori, Mawolo Marawi hidda, enga na appa tollekawi hidda hatti loddo waina olenadi ana allina. mbadeku koge, hidda olena permata-permata mahkota a kiddata, ne tanah na. ¹⁷ Mbadeku koge, louka paduwa po monno louka rammi po! ngara byuwa mane enga ge mbana timbu we pesat oro gandum monno ana ra'a orona anggur.