¹ Ame ge lii Mori rawina langita monno tanah, puni nawe, ² "Hinawe lii na Mori rawina langita monno tanah: Yowa kuka goula ngau orona Sion orona kagoula ngau aka laddana.Yowa kuka goula ngau barra na oro bani aka laddana." ³ Hinnawe ne lii Mori, "Yowa engage ku wali mbali Sion monno ku dangngi ne tillu-tillu Yerusalem. Yerusalem engana mba tekkiwe Kota Setia, nebba nyakowe letena Mori rawina langita monno tanah engana mba tekiwe lette pama ringngi." ⁴ Hinawe lii Mori rawina langita monno tanah, "Enga waii dommo pundi kawedda-kawedda ama dii ne lara-lara ndana ne Yerusalem,iya mono iya a nottona tokko ne limma ndeta'da orona mbana ma louwe lolo ngau nda. ⁵ Kako ne wanno neike a bonnu na lakawa kanbani monno lakawa mawinne ama wago-wago neike." ⁶ Hinawe Lii Mori rawina langita monno tanah, "Hitti waipona hidda a seipa pondo seipawe iya padou newe appa ngeddage nepa rawei a duwa, appa ne yowa kupa ngedda kaige a duwa? lii Mori rawina langita monno tanah." ⁷ Hinawe ne lii Mori rawina langita monno tanah,mbadeku koge, yowa engage baku patole kawi umat gu walli pa dou ouda wai'ina loddo ndikkiwe pa dou tama wai'ina. ⁸ Yowa engana ngindi mballi wi hidda mba walli, gai'i hidda kadangngi ne tillu-tillu Yerusalem. mba, hidda engana nda'di umat-gu monno yowa engana a nda'di Mori nda hidda neena appa ndeku monno appa wai." ⁹ Hinawe ne lii Mori rawina langita monno tanah, "pa wessige ne ate waimu, hei ata-ata wali murri-wali murri a engana rengngewe ne lii na, ne nyawe lii papa newe wai'da ngada hidda ata tokko mba tau ullu we umma na Mori rawina langita monno tanah mba tai'ige tubbana mbapa keddewe pa dou ama ringngina. ¹⁰ Mba ndeku koge, hitti kedde pona da'iki manu mara barra ata pi'a, monno daki barra ranga. Daki ata leiso monno barra ata atama, oro yowa rawi ngara kuwa ndi ata pi'a appa tauna iya ata sangga barra waddeka. ¹¹ Hina kowe, hinna ne'e, yowa da enga mbage mbaku rawige newe a seipa umat hidda mba olena hitti kedde pona , duka nawe lii Mori rawina langita monno tanah. ¹² Winni enga ge mba sobbara pa duwa ge. Wasu anggur enga ndi mba uwa, tana na yawe a duwa, monno langita napa warra kawe we'e sewwi. Yowa kurawina a seipa iya pa dou ne a dou ngara kuwa nawe. ¹³ hina kowe, peipongu nawe yemmi keddena mba auramigi ne iya padou-iya padou, hei kaum Yehuda monno kaum Israel, ne hinna ne'e Yowa appa tolekami yemmi nyawe yemmi ka nda'di wee maringngi. dama dauta kana, pa wessi ge ne ate waimi!" ¹⁴ Hinawe lii na Mori rawina langita monno tanah, "newe yowa lango ka wai'i koge pangedda gu ka amme ge newe da duwa barra nda hitti ina kawedda ama kaweddamu na keddewe newe bani gu, yowa dakku pa ngedda mbage," lii Mori rawi na langita monno tanah. ¹⁵ Dukka ndommo nawe, newe loddo ne, yowa wa'ige tubbana mbaku pa kakowe a duwa barra Yerusalem monno kaum Yehuda. dama dauta kana! ¹⁶ Newe nyabbawe a engana yemi parawimi: pa newe ge newe a duwa iya ata a sangga hidda waddeka, monno rawi ge newe pareta a duwa monno pa kako we newe molli dame ne'e mbinna-mbinna wanno mi. ¹⁷ da rawi kage newe da duwa ne ate ndanamu iya ata sangga barra hidda waddeka, monno da beikana aura awa. orona, ngara kuwa hidda daku beikige," dukka nawe li'i na Mori. ¹⁸ Amme ge newe lii Mori rawina langita monno tanah barra gu. ¹⁹ Duka nawe lii Mori rawina langita monno tanah, "ne mbata puasa natti wulla aka patana, natti wulla ka lima, wulla ka pittu, monno wulla ka bullu nyabba na ndandi kegirangan monno suka cita, monno loddo kaladda nyabana a duwa barra kaum Yehuda. hinna kowe beige newe a duwa monno rami langu takka!" ²⁰ Hinnawe lii na Mori rawina langita monno tanah, "wai'i ndommo pudi ammena ngara ata monno penduduk amma ngedda ne wanno. ²¹ penduduk wanno hidda iya etidi a kako barra penduduk wanno hidda waddeka appa newe, 'maida kata kako ma ndengngi manowara Mori monno kata ellewa Mori rawina langita monno tanah! yowa ndouna ku kako! , ²² Luwana kabissu wanno monno ngara wanno hidda appa wessi hidda ammena ellewa Mori rawina langita monno tanah ne'e Yerusalem monno kata kalairo na manowara barra na. " ²³ Hinawe ne lii Mori rawina langita monno tanah, "Hitti waipona, ka bullu ata wali ngara hidda wanno monno pa newe hidda panotto nda appa wessi punca jubah hidda ata Yahudi engadi mbapa newe, yemme ma beiga kako pa lolo ndenga gu, oro na yamme mbama rengnge nawa Mawolo Marawi engawi towo deta mballe detamu!"