¹ Hitti ndou aka pata na parena tokko Darius,ammege ne li'i Mori barra na Zakharia hatti tanggal pata wulla kadyuwa, nya wullw Kislei. ² Hitti waina,penduduk Betel nyaddona apa tuka wi Sarezer monno Regem-Melekh panu ngara kuwa ata a ndengi nema nowara Mori, ³ Monno na tuwa barra imam ne umma Mori rawina langita monno tanah monno barra ata tokko, "newe yamme ma ngi'o poge monno maka nuwa ge ne touma nati wulla kalimmana hina mbana parawi ma yamme nati ndou ama do'i ?" ⁴ Hinawe, amege li'i Morri rawina langita monno tanah ne barra gu, puni nawe, ⁵ "TEki ndawe barra'da ngara kuwa penduduk negeri monno para iman: ndikki kowe yo'u mba puasa mbama ndengi monno tuke na wulla kalimma monno kapittu, ma ndo'ina pittu ka bullu ndouna nawe, enga pongu kaddu gu yo'u berpuasa tubba gu yowa? ⁶ Nebba enga gu anga'a monno enu, da enga kigu yo'u mba nga'a monno enu tubbawe newe tou ndoumu? ⁷ Ndanyakiwe ne li'i a ndikki barra Mori ndekuna mbaka roddu kawi ata tokko keddena hidda Yerusalem enga ndi pagainda monno enga ndi mba ndeika wunda, hidda kota nena kilorana, monnoTanah Negeb monno bukit enga pona pa gaidda?" ⁸ Lii Mori amme ge barra na Zakharia,punni nawe, ⁹ "Hinawe lii Mori rawina langita monno tanah,pakakowe ne pareta a duwa, mboge newe a rammi monno manowara iya ata sangnga hidda wa'deka! ¹⁰ Dapa karoddu kadda ate'da hidda mawinne walu monno lakawa nda mangu ina, ama na, ngara ata asing monno ata damanguna. du rawi kage da duwa ne ate ndanamu iya sannga barra hidda waddeka. ¹¹ Hinna ndommo, hidda nda beina pa too waga, ma waleka lirawu monno kagobbage, monno toniwi ka tillu mu kadu rengnge kawe. ¹² Hidda kattona ate na hidda tudda togo intan gaii kadama rengnge kawe newe pareta monno lii papa ndukina Mori rawina langita monno tanah ndeku nawe ngawu errina monno a tibbaradi ata tokko hitti keddena. Hinna kowe, amme ge nebani na aka laddana wali barra Mori rawi langita monno tanah ¹³ 'Tudda hidda da rengnge hitti loddo mbaka ndengadi, duka nawe Yowa daku rengnge hitti loddo hidda mbaka ndenga,' lii Mori rawina langita monno tanah. ¹⁴ hina kowe, Yowa engana saikaradi a powarawi hidda tudda paringngi kapote ne barra ngara iya pa dou hidda dapa pande nda. Ne wanno nda hidda a dangi engage mbana kikawe nyawe ka daii a dorata ne barra nda. Duka nawe hidda mba rawina wanno a duwa monno na nda'diwe pa dou a kika."