¹ Yowa kuwali nbaku pa pa kako we newe pa etagu, yowa ku etawi, wai di patah kereta a ouda ne barra ndyada letena. hidda ngara kuwa letena hidda mbana ngara kuwa lete tembaga. ² kereta ullu atongnguwa hidda dara rara, kereta aka ndyadana atongnguwa dara mette. ³ nawa kereka aka tou'dana a tongnguwa dara kaka, monno kareta aka patana atongnguwa dara gokko- ngara kuwa apa wessi. ⁴ hinawe ,yowa ku tuwa barra ata papa tuka'da apa newe ndeng ga, "Appawe tubba'da ngara kuwa hidda mori?" ⁵ Na ata papa tuka'da na walewe, pata kereta a leiso wali barra pata mata paringngi,nyamba hidda mbapa arona barra Mori ngara kuwa tanah." ⁶ Kereta pa tongngu'da dara-dara mette a leiso wai'i ne tanah utara, hidda kereta pa tongngu'da dara kaka a ndeku wali lira ndi mba sangga tuma barat, kereta pa tongngu'da dara gokko a leiso sangga ne'e tanah selataan. ⁷ Mbage, hidda ngara dara-dara rara a leiso, hidda olena nda podda monno kako mba pagage ne tanah. Nya napa newe , "kakomi!" hidda kako pagage ne tana. ⁸ Mbage, na ata papa tuka'da napa newe ne barra gu, "etawi, hidda a kako sangga ne tanah utara gai'i kana kanawa we Ngawu Erri Gu ne Tanah Utara." ⁹ Amme ge ne li'i Mori barra gu, dukkana: ¹⁰ " Ndekewi maraka walli barra ata-ata paletto, hidda wali Heldai, Tobia, monno Yedaya, hidda buddu ndikki wali Babel, mbage kako you ne loddo mema pongu ne ummana Yosua anak Zefanya. ¹¹ Ndekewi doka monno emas ,rawidi mahkota, monno nbondala ne panu katowana Imam Kala'da Yosua anak Yosadak. ¹² Teki we ne barra'da, duka nawe li'i Mori rawina langita monno tanah, 'Nya nawa ata ngarana Tunas. nya engana timbu wali pandouna, monno engana apa kedde mbaliwe ummana Mori. ¹³ Nya ndommo engana apa keddewe umana Mori, monno nya engana a ndimbawe newe a duwa. Nya engana ama di'i paretawe ne ponuh takhtanya. Ne tuma kawana na engawi iya ata imam monno moli dame enga wai'i ge ne barra'da hidda a ndyada. ¹⁴ Mahkota nauka wai'i ne dyanana Umma Pamaringngi Mori nyawe tada paretana barra Heldai, Tobia, Yedaya, monno Yosia anana Zefanya. ¹⁵ Ata-ata wali marroh enga amme wi apa keddewe Umma Pamaringngi Mori. Yo'u enga ge mba pande ge mba nya Mori rawina langita monno tanah mbanya apa tukaga yowa ne barra mu. Hinna ne'e enga ge mbana nda'diwe, ne yo'u mba enga kugu a rengnge langu taka we li'i Mori Mawolo Marawi."