¹ Yowa ku pakako we nepa eta ndommo monno wai'i ge iya kitab pa wuddu a lera. ² Nya napa newe barra gu, "appa we yo'u pa etamu?" wale gowe, "yowa ku etawe ne iya kitab pa wuddu a lera, ma louna we 20 hasta monno gelarana 10 hasta." ³ Mbage, nya napa newe ne barra gu, "ne nyawe aura gu a leiso a ryaka ne ngara kuwa ponu negeri. Ngara kuwa ata a ke'du engana mba saikaradi ndeku nawe tulisan ne a iya, monno ngara iya ata a aura a saikaradi ndeku nawe tulisan a iya dommo. ⁴ Yowa kupa tukawi leiso, lii Mori rawina langita monno tanah. Ne aura gu enga ge mbana tama ne umma keddu monno dyana umma ata aura waiga ne ngara gu. Ne aura neike enga ge ataddana ne umma nda hidda manno ka saikaradi, ka nyawi wasu'da pangu togo-togo'da." ⁵ Napa tingngona na ata papa tuka'da kana panewe ndenga ga monno na tekiwe, "pa kakowi matamu monno ka etawi hidda mi a ouda!" ⁶ Yowa Ku tuwa, "appa wi hidda mi?" walena, " iya kuba." Napa newe, "ne nyawe parawi'da nda tena hidda ngara kuwa negeri!" ⁷ Eta ndowa, toddi na timah kuba nama keketa, monno etawa iya mawinne ama di'i ne tillu-tillu kuba. ⁸ Napa newe na ata papa tuka'da nauka, "ne nyawe parawi nda tena!" mbage, tularawi nama winne kana walli mbali ne kuba ndana monno pobbai na Togo timah neike ngada ndanana kuba. ⁹ Hinna ndommo, yowa kupa kako wi mata gu monno ku etawi ndyada mawinne kapana pa tulara'da paringngi. Kapa'da hidda ole nadi keila ranggung keila ranggung. Hidda keketawi kuba a nena barra langita monno tanah. ¹⁰ Mbage, yowa ku tuwa barrana ata papa tukana apa newe ne barra gu, "je eti nyadi hidda mba ngindiwa nati kuba?" ¹¹ Napa newe barra gu, "Ne'e tanah Sinear tubbana mbapa keddewe iya ummana nawa mawinne nauka. Lengnga mba ngara kuwa pai, ya engana nepa douna, nepa dou kanuwana."