1 Na wali mbali na ata papa tuka'da apa newe ndenga ga yowa, mbage napa kedde waga yowa, tudda iya ata papa kedde'da anena dura. 2 Nya tuwa ne barra gu,"appawe pa eta mu?" ku wale we, "yowa ku eta iya pa dou lampu, ngara kuwa apa duwa wi wali barra doka, nepa douna minyak nege ne ponnu nawe. wai'i di pittu pelita ne pa dou lampu monno pittu corong minyak anena ne'e ponnu na. 3 Dyada wasu zaitun a engana barra na,iya nege kawanana padou minyak monno iya nege tuma wello na." 4 Mbage, yowa ku tuwa ne mbara na papa tuka'da apa newe ndenga ga, "Apawe ngara kuwa tubba'da hidda, mori gu?" 5 Na wale na papa tuka'da ne barra gu, "Du pande kige yo'u apa we tubba'da ngara kuwa hidda?" Ku wale wa, "indaki, mori gu!" 6 Mbage, nya nappa newe ne baragu," Ne nyawe lii Mori barra na Zerubabel, 'Da nyakiwe ne duwana monno danya kiwe ne pa wesina, nyaki ndowe ne Ngawu erri gu,' lii Mori rawi na langita monno tanah. 7 Gara gu ne yo'u, tah lete na aka la'dana? Ne aro na Zerubabel, yo'u mukka mbali tanah a lindaka. Nya engana wali ngindi mbali wa togo a ullu monno naka ndenga: Na duwa! Na duwa langu takka na togo!" 8 Hina ndomowe, na buru ndommo we lii na Mori barra gu, dukana, 9 " Limma na Zerubabel nya apa kedde ullu we ne umma newe, monno limma ndou nya engana apa mba ndouge. Hina ndommo we, yo'u engana a pande ge mba nya na Mori Mawolo Marawi a rawi ge langita monno tanah napa tuka ga yowa ne barra mu. 10 Nyawe, Gara ko apa tu'u na aka taikawi na loddo a wali nepa rawi a ki'i na, hidda engana aka la'da ate ne mba eta wa na togo pa pedena ne limma ndeta na Zerubabel. Apittu pelita hidda ndona mata na Mori, a paga ge ngara kuwa na ne tanah." 11 Mbage, yowa ku tuwa ndommo barra na, "apa we tubba'da a dya'da wasu Zaitun a nena ne barra tuma kawana na monno ne tuma wello na pa dou lampu?" 12 Monno newe aka ndya'da na, yowa ku tua ne barra na, " apa we tubba'da a ndya'da kara'a wasu Zaitun a nena ne'e tiddi na a dya'da pipa doka papa noka waiye ne wee doka?" 13 Na wale ne barra gu, "Du pande kige yo'u apa we tubba'da ngara kuwa'da hidda?" ku wale we, indaki, mori gu!" 14 Mbage, nya napa newe, hei'da dya'da ata nyawi pa pede'da, nyawi a dede ne barra Mori ngara kuwa tanah!"