¹ PA NA'U NA MORI 1 Dengiwa nawa urra barra Mori natti akhir musim semi! Mori nya rawige newe kasoba-kasoba ngindi urra kokora monno urra kaladda, enga ge bana yawe barra 'da hidda monno ngara timbu ne oma dana barra ngara iya ata. ² Hinna kowe, terafim na tekiwe newe da duwa, ata-ata ma tonnu a etawe nepa eta ndama noto, monno tekkiwe ka nangga nippi-kanangga nippi akala, enga yawe newe aduwa a liloko lipale. mba ndeku koge, iya pandou enga di baka lingngora na tudda ana bebe monno a dengo orona mba daki ana simbi nda ³ "Banigu na pando wegarawe sangga barra ana bebe monno Yowa engana hukum di ana simbi nda! Mori rawina langita monno tanah engawi bana patetedi ana simbi-na, hidda kaum delu deke nda Yehuda, monno enga ge mba dadi hidda olenandi dara-dara pama nowara-na a walli pa tauna. ⁴ Wali newe hidda engadi mba ouda togo penjuru monno wali hidda engadi mba ouda katukku-katukku kemah, wali hidda engage ma ouda busur patauna, wali hidda engage mba ouda ngara kuwa adou dobbage. ⁵ Hidda olena pahlawan-pahlawan a deke pondo dekedi gobba'da, ole nandi reda laradana. Hidda engadi mbapa tauna, orona Mori napama ringngiwi hidda, monno hidda engana raidi makke ata-ata kalete dara. ⁶ Yowa engana raidi kaum keturunan Yehuda mbama dauta, monno Yowa appa tolekawi kaum keturunan Yusuf. Yowa engana ngindi bali hidda mba wali, mba ndeku koge Yowa ama nowaradi hidda, hidda engana dadi ata-ata angu olena angu ata dapa letto mba nebba Yowamo Mori, Mawolo Marawi hidda, monno Yowa awalewi hidda. ⁷ Efraim enga mba ole nandi iya ata pahlawan,ate nda hidda enga ge mba deika wunda ole nandi iya ata enu anggur. Lakawa-lakawa hidda enga ge mba etawe monno mba ndeika wunda, ete nda hidda enga ge mba ndeika wundawa nawa Mori. ⁸ Yowa engana aka ndengadi hidda waina isyarat monno a ranggo ndi hidda, oro nawe Yowa atoddu di sala'da hidda. hidda engandi mba tamba luwana ndeku nawe pirra hidda kedde nawe luwana. ⁹ Sadekka kiddowe Yowa mbaku saikaradi hidda ata iya padou-iya padou, newe iya ma dii-iya ma dii a marro, hidda engana lolo waga Yowa. Hidda engana toleka sama-sama dengadi ana-ana nda hidda, monno hidda enga ndi mba walli. ¹⁰ Yowa engage mbaku ngindi mballiwi hidda walli tanah Mesir, monno Yowa engana pakuwa ndi hidda walli Asyur. Yowa engana ngindi balli wi hidda wali ne tanah Gilead monno ne Lebanon, ndikki mba dai'i pa dou barra'da hidda. ¹¹ Hidda engana palawi nawa bonnu aka piddo monno apaluwa nawa kanolaka-kanolaka bonnu nyawe ngara kuwa pa dou ama dallena nee loko Nil ama rokota. Akeketa wekina Asyur monno engani mba saikaradi monno tokko kerajaan Mesir engadi mbapa marodi. ¹² Yowa enga ge mbaku pawessi di hidda ne barra Mori monno hidda enga ge mbapa kako we newe ngara Na," Dukka nawe lii Mori.