1 Ammigu! Maia kata weila detawa MORI! Maia kata kawula barana lete togo, selamatada. 2 Maia kata mai aro-NA waina syukur , maia kata kawula waina dodo pujian. 3 Orona, MORI nya ALLAH a kalada, monno tokko kalada ne ponnuda ngara allah. 4 Limma deta-NA, madallena ponnu tana, ngara lawina lete 'dou-NA. 5 Bonnu 'dou-NA orona NYA a rawidi, monno limma-NA nya rawige ne tama mara. 6 Ammigu! Maida kata rukkodi kundoda monno kata manomba, maia kata rukkodi kundoda ne arona MORI, Pencpitada. 7 Orona, NYA ALLAHda, monno itto ranga padawa-NA, monno bebe ne limma deta-NA. Ne loddo, bu rengnge kona li'i-NA, 8 "Du pakatto kage atemu, hinnana ne Meriba, hinnana ne loddo ne Masa, ne mareda kikapa. 9 haida ina-ama kawedami bana nunga monno bauji-GA, lakka ba eta bawe ngara parawi-GU. 10 Pata kbullu douna bana langie ate-GU bara haida generasi, monno lunggu, ' Hidda bana ata a sesat atena, monno da pandekigai ngara lara-GU. 11 Nyaka, mura dana-GU KU aura, 'Lakka sadekka da tamaki ne pandou pangau wa'i-GU."