¹ Dodomi barana MORI iya dodo baru! Dodomi barana MORI, ngara kuwa yemmi ponnu tana! ² Dodomi barana MORI, weila nawe ngara-NA, tekki nawe keselamatan a wali bara-NA wali iya loddo dukki iya loddo. ³ Tekki nawe kemuliaan-NA ne tengara ata, parawi-NA a ajaib ne tengarana ngara kuwa ata! ⁴ Orona, MORI Mahakalada, monno na terpuji, pamandautawa ne ponnuna ngara allah. ⁵ Orona, ngara kuwa allah ata nyabana berhala, takka MORI nya a rawige langita. ⁶ Hormat monno kemuliaan wa'ige aro-NA; pawessi monno duwa wa'ige ne pandou kudus-NA. ⁷ Waiwi MORI, yemmi ngara kabissu ata, waiwi kemuliaan monno pawessi-NA MORI! ⁸ Waige ne kemuliaan ngara-NA MORI, ngindiwi maraka monno maimi ne pelataran-NA. ⁹ Nombawa MORI kemuliaan kudus dana-NA, kandadakami ne aro-NA, yemmi ngara kuwa ponnu tana! ¹⁰ Limmige ne barada ata, "MORI a pareta! Ya, ponnu tana na dedewe, danna beru kinna. NA hakimiwi ngara ata waina keadilan. " ¹¹ Ne langita kanna weila deta monno ponnu tana kanna weila deta, ne bonnu kanna kedde kanolakana, monno ngara kuwa inana. ¹² Ne oma kanna weila deta we monno ngara kuwa a wa'ina danana, nya ngara kuwa wasu a wa'ina mareda dana kaweila deta, ¹³ ne aro-NA MORI, orona ba ammi-WI, oro ba ammi-WI bana hakimiwe ponnu tana. NA hakimiwe ponnu tana waina kebenarana, monno ngara kabissu ata kesetiaan dana-NA.