¹ O MORI, ALLAH A tau tanga, o ALLAH a tau tanga, bibaka-WU! ² Kedde-WU, o Hakim ponnu tana, taudi tanga haida ata a keketa wekkina! ³ Pirra kongge ngara ata fasik, o MORI, pirra kowe ata fasik ba senang kaluwa-luwa? ⁴ Hidda a legawe ne patekki keketa wekki detana, ngara kuwa hidda keketa wekkian. ⁵ Hidda a possakagundi umat-MU, o MORI, monno a tindasai dou pusakMU. ⁶ Hidda a pamatewi ngara minne walu monno ata a mi, hidda a pamatewi lakawa ana lalo. ⁷ Hiddage, "MORI danna etaki, hinna kaina ALLAH Yakub da mattarakaikiwi." ⁸ Mattarangge, yemmi ata bebal ne killorana ata, yemmi ata kabokko, pirra koge bi bijaka? ⁹ NYA a todakanna katillu, appako dana rengngeki? NYA a raina mata, appako kadanna etaki? ¹⁰ NYA a didikai ngara ata, danna paapakina? NYA a panungngawi ata pa pande dengnga, ¹¹ MORI na pandege ngara kuwa pakambu atena ata pi'a, hidda iya kidoge lolo ngau. ¹² Namaringina ata padidik-MU, o MORI, monno papanunga-MU hukum, ¹³ kapakanawawi ne loddo millana, dukki ba kodawe ne kalena tuba ata fasik. ¹⁴ Orona, MORI danna paloko kindi umat-NA, danna ngga'i kindi dou pusakana. ¹⁵ Orona, keadilan na baliwe barana kebenaran, monno ngara ata a lurruta atena a dekuwi. ¹⁶ Garra kuwi a kedde ba gobbawi ata a bokala? Garra kuwi a dede baragu ka gobbadi ata a raina kefasikan? ¹⁷ Na MORI bada nyako a tuluga, dewagu ngetta bana bana dangngi ne pandou a kasika. ¹⁸ Lunggu koge, "Wa'igu nakeluta," kasih setia-MU, o MORI, a rombawaga. ¹⁹ Bana matamba kowe papangedda ate danagu, penghiburan-MU napasenanggai dewagu. ²⁰ Na bisa kaddo ne takhta papossaka bada bana paiya bara-MU, hidda a kambuge milla dekuge ketetapan. ²¹ Hidda a berkomplot bagobbawi ata benar, monno apa salawi waina ra'a ata da mangngu salana. ²² Tetakka, MORI nya wanno bentengda, monno ALLAH lete togo, pandou perlindungan. ²³ NA tauda tanga bokalada bara douda, monno napamatewi bokala dana douda, MORI, ALLAH, da napamatekiwi