¹ Dodo papanungngana Daud ba ne'i ne koro watu dana. Iya tabayya. Li'igu bara MORI, ku kadengngagu, li'igu bara-MU MORI, manawara. ² Ku padukki kuwa ge ne keluhangu aro-MU, ku tekki gowe ne ngara susahgu ne aro-MU. ³ Na eru konna dewagu wali baragu, MU pandegai laragu. Ne lara padekugu, a kabunni baga jebakan a tubawaga. ⁴ Eta ne tuba kawana monno etawe, da'i pongnguki iya ata a pandega, da'iki a peduli tolekagu. ⁵ Ku kawula bara-MU, o MORI, lungguge,"WO'U perlindungangu, toragu ne wannoda ataa toleka. ⁶ Rengngegawe maleilakau, orona ku dakke lolo banna. Pasilli aga wali barada haida gobbagu, orona na alluwe ne pawessida. ⁷ Palousoaga wali penjara, ngga'i kaku pande bersyukur bara ngara-MU. Ngara ata duwa enga kopadaga, orona WO'U a tauge tangana.