¹ Mazmur Daud. Rengngega tabayyagu, o MORI, yakoga katillu barana ne madengngigu! Waleaga ne setiadana-MU, keadilan dana-MU! ² Du tama kanna ne pengadilan dana palolo dengngawi na ata-MU, orona da'iki iya ata a toleka, na lurruta aro-MU. ³ Orona, gobbagu a lekkatabaga, dukki tana deta, a raiga baku mandi'i ne kapotta dana, hinnaba kaina haida a mando'i ba mate. ⁴ Nyaka, ne pawessigu na eru bage wali baragu, ategu enga karobba dana. ⁵ Ku lolowi haida loddo a malewataba, ku renunggundi haida ngara parai limma-MU, ku pangeddadi ngara parai limma-MU. ⁶ Ku paturrudi limmagu bara-MU, dewagu namaro'u bara-MU, hinna kaina tana a marokotta. Sela ⁷ Ngettana bawaleaga, o MORI! Nepawessigu na bawe. Du kabunnikage mata-MU wali baragu, atau patuddaga hidda a burru ne odi dana. ⁸ Ngga'i ka rengngewe ne duwa-MU ne kabu gedde, orona bara-MU ku waigu. Tekki gawe lara paligu, orona bara-MU baku keketawa dewagu. ⁹ Pasilli angga wali barada gobbagu, o MORI, bara-MU kukabunni. ¹⁰ Panungngawa baku raigo appawe ne pabei-MU, orona WO'U donna ALLAHgu. Ngga'iku na Ngau Matua-MU a tena, naparetaga ne ponnu tanah. ¹¹ Orona ngara-MU, o MORI, patolekawaga! Ne benar dana-MU, ngindiga ne ngaumatuwagu louso wali ne susa dana! ¹² Monno, ne kasih setia dana-MU, tumpasai ngara gobbagu, monno pamoddawi ngara a ngappetagai ngaumatuagu, orona na ata-MU.