¹ Mazmur Daud. O MORI, ku kawula abra-MU, ngettana baragu, rengnge gawe li'igu baku kawulako bara-MU. ² Ne tabayyagu badupawe ne aro-MU, monno limmagu a makeketa kamarakawe ne bana loddoge. ³ Ta'i iya a majaga, o MORI, bara ngadagu. Awasaga binna rowiwigu! ⁴ Dupa arokaga ategu bara a bokala, baku rawige parawida a fasik palolo dengadi ata a bokala, monno du ngga'i kangga baku nga'ada panga'ada. ⁵ Ngga'idi na ata a tena a palu waidi duwa monno a bakaga, ne nyabana minyak a tuba katowa, ne katowagu kadanna pattukawe, orona enga poga tabayya tubana ne bokala. ⁶ Haida ngara imam a kapettidi netti uppu lete togo, a rengngega patekkigu , orona na magollowe. ⁷ Hinna bana mabokka monno na lekkatawe tana, hinna kaina ruwida ba letto dandi pandou ata mate. ⁸ Orona, haida matagu a tertju bara-MU, o ALLAH, bara-MU ku elletawe perlindungan, du pakagolakagai dewagu. ⁹ Lindungiaga wali irra papatumada baragu, wali irra ngara hidda a raige ne a bokala. ¹⁰ Ngga'i ata fasik ka warraka jaring douda, baka youwa ku lolosaga.