¹ Barada kapala dodo. Mazmur Daud. Pasilliaga, o MORI, wali ata fasik, lindungiaga wali ata kejam, ² a kambuge bokala ate danada, monno a dangngi patau dana loddo mangeda-ngeda, ³ a patammilage lomma ekakowa nippe, bisa nippe beludak ne'ige kabu rowiwiwda. Sela ⁴ Kadi aga, o MORI, wali limma detada ata fasik, lindungiaga wali ata a kejam, a kambu atege batullaragai wa'igu. ⁵ Ata a keketa wekkina a kabunni baga irra baragu, monno kalerre, a tallarabagai rawe ne uppu laragu. Sela ⁶ Lungguge barana MORI, "WO'U ALLAHgu, rengngewe, o MORI, li'i madengngigu!" ⁷ "O ALLAH, MORIgu, pawessi selamatagu, MU toni baga katowagu banema patauna. ⁸ Du yaka, o MORI, pabeina ata fasik, dupaloko kada kambu ateda a bokala, a kedde. Sela. ⁹ Hinna kaina kepalada ba woletaga, ngga'ige ne malapetaka wali rowiwi detada a wenna douwe! ¹⁰ "Ngga'i ne malaga ai bana pakelutada, ngga'i ka warraka ne api dana, netti bonga maut kadanna bisa kanna bana kedde. ¹¹ "Lomma ata danna dedeke ne ponnu tana, ngga'ige ne bokala" ¹² Ku pande na MORI bana rawige keadilan at tertindas, monno na belawe tubada ata a milla. ¹³ Tetakka, ata a tena a weila deta bara ngara-MU, ata a lurruta atena engawi ne hadirat-MU.