¹ Barada kapala dodo. Mazmur Daud. O MORI, MU pareta baga, monno MU pandega. ² MU pandege pirra koge baku mandi'i monno pirra koge baku kedde, WO'U MU pandegadi ngara kambugu wali pandou a marro. ³ MU mattaragai laragu monno duragu, MU pande kuwagai laragu. ⁴ Lakka, da ne'i kipu iya patekki ngada detagu, eta, o MORI, MU pande kuwage. ⁵ MU kopaga, wali lira monno arao, MU ta'iwi limma-MU ponnugu. ⁶ Ne pande a hinnana na alluwe ajaib baragu, na alluwe madetana, dakku tarraki baku dukkiwi. ⁷ Jenyage baku kako pamarrowi DEWA-MU? Atau, je malle nyago wali hadirat-MU? ⁸ Baku penneko langita deta, WO'U ne'i kaigu ne'e, naku wekkarakoge pandou dura wa'igu netti pandou ata mate, ne'i kai-GU ne'e. ⁹ Baku deke kowa kapa fajar, monno dangngi ne uppu bonnu uppu ponguna, ¹⁰ lakka nyako ne'e ne'i limmamu, a kalokoga, monno limm kawana-MU MU terrega. ¹¹ Balunggu koge, "Pastiba ne kapotta bana wokotaga, monno mangewala ne killoragu bana geddege," ¹² Lakka, kapotta danna kapottakige bara-MU monno gedde nyabana mangewala ekakowa loddo, orona kapotta sama kaiye mangewala bara-MU. ¹³ Orona, MU rawiga bagian wekki danagu, MU tonnuga rahim danana inagu. ¹⁴ KU weila deta bara-MU orona MU raiga dahsyat monno ajaib, ajaib papawilli-MU, monno dewagu na allu bana pandege. ¹⁵ Ngara ruwigu da'iki a kabunni wali bara-MU. Baraiga ne pandou a kabunni, monno a tonnuga ne kabukkuna tana. ¹⁶ Mata-MU MU etaga janingu, ne kitab dana-MU namatulis kuwawe, loddo pasusun daga, ba da'ipu iya walinya. ¹⁷ Namangu wellige papangeddamu baragu, o ALLAH! Na alludi luwana. ¹⁸ Baku rekeku, na allupo luwana wali pasir. Baku keddeko, enga pongga baku palolo dengng-GU ¹⁹ MU pamatekuwi ata fasik, o ALLAH! Yemmi ngara pamalega ra'a, marromi wali baragu! ²⁰ A panewe bokala bara-MU, monno ngara gobba-MU a pamadeta-GO ngara-MU paringngi dana. ²¹ Appako dakku buttu kindi ate a buttu-GU ate, o MORI? Monno, appako dakku beina mutta barada hidda kedde bagobba-GU? ²² Ku buttudi ate, hidda bana gobbagu. ²³ Selidikaga, o ALLAH, monno pandega ategu, ujiaga monnno pandegadi papangeddagu. ²⁴ Monno, etawe wa'iku laragu a pamillago ate-MU, monno pimpinaga ne lara kekekalan.