¹ Mazmur Daud. Ku beina weila deta bara-MU waina ategu, ku biege weila deta-WU ne aroda ngara allah. ^{2 3} Baku ku kawulako , MU walega, MU paberaniga dewagu waina pawessi. ⁴ Ngara tokko ponnu tana a weila deta bara-MU, o MORI, ba rengnge gundi patekki ngada-MU, ⁵ A dodonandi ngara lara-NA MORI, orona na kaladage kemuliaan-NA MORI. ⁶ Orona, lakka nyaku bapamadetawa, na etawi a padaka, monno na pandedi ata a keketa wekkina wali pandou a marro. ⁷ Lakka ku kakowaga tillu milla dana, WO'U MU pattuwaga, MU padolawi limma-MU barada murkada gobbagu, monno limma kawana-MU MU paselamataga. ⁸ MORI napabawe baragu, kasih setia-MU, o MORI, mori wali-mori wali. Du ngga'i kandi parai limma-MU.