¹ Deikawa MORI, o dewagu! O MORI, ALLAHgu, MU kaladana! MU pakalambena kemuliaan monno kehormatan, ² wekki-MU a wokota waige mangewala ekakowa jubah, na mawekkara ponnu langita ekakowa kemah, ³ NA ta'idi pari'i-NA ne ponnu we'e, NA kako ponnu paringngi, ⁴ NA rawiwi paringngi ata papatuka-NA, pelayan-NA api a wegara. ⁵ MU padedewe ponnu tana ne pandouna, nyaka danna goddokaki. ⁶ MU todiwe samudera ekakowa jubah, we'e a bubba-bubba na lewatawe lete. ⁷ Orona kawodara-MU, a kedu, oro li'i katorroka-MU, a ngettana. ⁸ Netti lete deta ba penne, netti lembah ba burru, ne pandou pa pede-MU. ⁹ MU tekkida batas dapa palada, kada todi balika ponnu tana. ¹⁰ NA pakokorawe mata we'e netti lembah, a kokora netti lete detana, ¹¹ a ya pa'enu barada ngara ranga ne maredda dana, keledai liar napapuasadda maro'uda. ¹² Ne uppuna, keila langita deta a dangngi, a dodo ne kara'a detana. ¹³ NA burridi ngara lete wali pandou ponnuna, ponnu tana na bekuta wali uwa papawilli-MU. ¹⁴ NA patimbuwi ruta a tanga ranga, monno ngara a timbu kapawillidi ata, ngga'i ka wa'i panga'a wali tana deta, ¹⁵ monno anggur pabei atena ata, minyak a rawina ne matana bana mangewala, monno kababa pabei atena ata. ¹⁶ Wasuna MORI a bekuta, wasu aras Lebanon patodaka-NA. ¹⁷ Ne'e, keila narawina kabubuna, keila ranggung a mangngu umana ne ponnu wasu sanobar. ¹⁸ Lete a madeta pandouda ngara simbi liar, ngara bukit pandouda kancil. ¹⁹ NA rawiwi na wulla kapandewi rapa, monno na loddo bana tama. ²⁰ MU tentukan kapotta nyakanna geddege, ba ngara kuwa ranga mareda melata ne barana. ²¹ Singa-singa a mbo'u mengaum-aumi mangsana, monno a elleta panga'a wali bara ALLAH. ²² Bana penne loddo, a pakuwana, monno a dura ne kabubu danana. ²³ Ata a louso orona papawillida, monno a pawilli tetakka dukki remale. ²⁴ O MORI, na luwage parawi-MU! Hikmat dana, MU rai kuwadi, ponnu tana na bonnuge 'dou-MU. ²⁵ Ne nyaba bonnu, kaladage monno nagellarawe, dappa pandeki bakirawe ngara ranga melata a ne'ina danana, a toleka, a ki'ina monno a kaladana. ²⁶ Ne'e, kapala a berlayara, monno Lewiatan, paparawi-MU kanna mawago ne danana. ²⁷ Hidda kuwa a rema-GU, ngga'i KU yadi panga'a ne rapana. ²⁸ Ne BU yada barada, a pakuwadi, ne BU wekkaradi limma-MU, hidda a puasa orona ngara duwa-MU. ²⁹ Ne BU burrige mata-MU, a katattaka. Ne BU 'de'de'da lolo ngauda, a mate monno a wali barana pa'u tana. ³⁰ Ne bu pangindiwa Roh-MU , a tercipta, monno MU perbaruiwe ponnu tana. ³¹ Ne kemuliaan-NA MORI enga patirrige , na MORI na weila deta orona papawilli-NA. ³² NA eta ne ponnu tana, monno na kadandaka, NA todowe ngara lete, monno na keddewe mau. ³³ Youwa ku dodo barana MORI ne ba enga pongge lolo ngaugu, youwa ku bermazmur barana ALLAH ba enga pongga. ³⁴ Ne renungangu napasenangku-GU, youwa ku bersukacita barana MORI. ³⁵ Ngga'i ngara pendosa a pamoddawi wali ponnu tana, monno ngga'i ngara ata fasik kada'i dommo kandi! Weila deta-WA MORI, dewagu! Weila deta-WA MORI!