¹ Mazmur Daud. Deika-WA MORI, o dewagu! Ngara kuwa batingu, deikana ngara-NA a mbiya! ² Deika-WA MORI, o dewagu, monno du bulla kandi ngara duwa-NA, ³ a ampungundi ngara salamu, a paduwagome ngara karoddukkami, ⁴ a tebusame tolekami wali odi a bonga, a memahkotaiwu waina kasih setia monno belas kasihan, ⁵ a papuasawe tolekamu hiasan a duwa, nyane bu mbo'uwu, ekakowa keila rajawali. ⁶ MORI narawige a benar monno a adil, barana ata a tertindas. ⁷ NA tekkiwe ngara lara-NA barana Musa, monno ngara parawina barana ata Israel. ⁸ Na MORI nyabana kasih setia monno murah ate, danna ngetta kinna bana bani monno na luwage kasih setia-NA. ⁹ Danna membantah patirri-tirri kinna, atau na bondalawe banina mori wali-mori wali. ¹⁰ Danna rawi kinda barada dekuge ngara dosada, atau na tauge tanga barada dekuge ngara salada. ¹¹ Orona, ne madetana langita ponnu tana deta, hinna kaina kaladana kasih setia-NA barana ata a mandauta-WI. ¹² Ekakowa marrona timur dukki barata, hinna kaina bana pamarrodadi ngara pelanggaranda. ¹³ Hinna kaina iya ama bana mawaradi ana-NA , hinna kaina MORI bana manawaradi ata a mandautaWI. ¹⁴ Orona, NA pandeda pembentukanda, NA loloanda ba pa'u tana da. ¹⁵ Orona ata, ne loddona ekakowa ruta. NA mekara ekakowa bunga ne mareda dana, ¹⁶ takka bawa'iku paringngi a wennawa, da'i dommo bai, monno ne pandouna dapande bawi. ¹⁷ Takka, kasih setia MORI mori wali-mori wali, barana ata a mandauta-WI, monno keadilan-NA barana ngara umbuda, ¹⁸ barada ata a jagawe aura-NA, monno a lolowe badekuna ne hukum-hukum-NA. ¹⁹ MORI napalurrutawe takhta-NA ne durga dana, monno kerajaan-NA naparetawi ngara kuwa a wa'ina. ²⁰ Deika-WA MORI, hai yemmi malaikat-NA, yemmi a perkasa pawessi danana, a dekuna patekki-NA ba rengnge-NA patekki-NA. ²¹ Deikawa MORI, hai ngara bala tentara, a layan-WA, a deku-NA pabei-NA . ²² Deika-WA MORI, hai ngara cpitaan-NA, ne pandou kekuasaan-NA! Deika-WA MORI, hai dewagu!