¹ Barada a pareta dodo: Mazmur Daud. Dodo a kanawa tuba-MU, o ALLAH, ne Sion, monno bara-MU ngara aura babayarawi. ² Oh WO'U a rengngewe tabaya, bara-MU ngara ata ba ammiwi. ³ Ngara salahgu a ... takka WO'U MU todiwi ngara pelanggangu ⁴ Na maringina ata papede-MU monno a tukke bara pelataran-MU! A papuasa waige dauwa umma-MU, bait-MU a mbiya. ⁵ MU wale waina ne atena, o ALLAH, penyelatama, o ALLAH, a paselamattama, pa percayana ngara uppu ponnu tana monno bonnu a marro. ⁶ MU padedewi ngara lete waina pawessi-MU, monno mu paketekombuna keperkasaan, ⁷ a pakanawawa deru lautan, deru gelombangna ekakowa karibbaka lakawa. ⁸ Ngara ata a dangngi ne uppuna a mandautawi ne tanda-MU, MU raidi ngara ata ne kabu gedde monno gedde a weila deta. ⁹ MU paceti ne ponnu tana monno MU paluwawi, MU pakayawa, ngara pali waina ALLAH na allu bonnuge we'e, MU sediada gandum barada, tetakka BU pasediada. ¹⁰ MU ponnuna alur-alurna, MU pamadallena gumpalan tana. MU pagemburawa waina we'e urra, monno MU pamaringidi ngara wollana. ¹¹ MU pamahkotawa na dou waige duwa-MU, monno jejak-MU napalousona morru. ¹² Ngara tana padawa wai ne maredda dana menitik, ngara letena napakete kombu waina weila deta. ¹³ Ngara maredda ruta napakalambena kawanan bebe. Ngara lembah berselubung gandum. A weila deta monno dodo.