¹ Barana: Mazmur Daud. Rengngega li'igu, o ALLAH, ratapan, jagaga tolekagu wali pamadauta da gobbagu. ² Kabunniga wali ngara ata a bokala, wali keramaian ata a rawina kawirra, ³ A korada lommada ekakowa katopo. A patumawi pana, patekki a poddu. ⁴ Ka tembakawi ata da mangngu salana wali pandou a kabuni, a a matembaka dapapangedada takka mandouta ⁵ A terre pamenderage pa tekki bokalada. A tekkiwe ba pei wa'ina bakabunnina irra, hiddage, "Garra a bisa gillakage?" ⁶ A mattarage mapodeta, "Ma paretaba, babawe rancangan. " Papangeddana monno atena na alluwe na mandalage. ⁷ Tetakka, ALLAH na tembaka tuba barada waina pana, a manu'a dappa pande dengnga. ⁸ Ne lommada nyawe a tullaradi, ngara kuwa ata a etawi a kedu. ⁹ Bage, ngara kuwa ata a mandauta. A tekkiwe appawi parawina ALLAH, monno ka pandege ngara parawi-NA. ¹⁰ Ata a tena a weiala deta barana MORI monno a kolege pandou perlindungan wa'i ne bara-AN, monno ngara kuwa a lurruta atena a bangga.