¹ Barada a pareta dodo: Waina li'i "Du Pamatekai". Miktam Daud bana kedu wali barra Saul ne wittu dana. Manawaraga, o ALLAH, manawaraga orona dewagu na berlindung bara-MU. Ne ninnona kapa-MU, nyapa berlindung wa'igu, dukki bana bawe pabossaka dengnga ² Ku kawula barana ALLAH A Madeta, barana ALLAH a pabaga! ³ Na pangindiwa wali surga dana monno napaselamataga. Na kanissikai ata a dekega. Sela ALLAH nayawe kebaikana monno setia-NA. ⁴ Dewagu ne'ine ngara barada singa, ku beikaga ne tilluna ata a pakarrana ana ata, ngunduda ekako numbu monno ana pana, monno lommanaketo a tama. ⁵ Pamadetage wekki-MU atasiwe langita, o ALLAH! Ne kemuliaan-MU atasiwe ponnu tana! ⁶ A ta'igai kawu bara wa'igu, dewagu na runu. A kodawe kalena arogu, a gogola tilluna. Sela ⁷ Ne ategu namendera, o ALLAH, namendera ategu, ku weila detawu. ⁸ Keddewu, o kemuliaan! Keddewu, o gambus monno kecapi, ku pakeddewe manarri! ⁹ Ku weila deta bara-MU, o MORI, ne antara kabissuna ata, ku dodowi weila bara-MU ne ngara kabissu. ¹⁰ Orona, ne kalada-MU na dukkiwe langita deta, kasih setia-MU na dukkiwe netti kasoba dana. ¹¹ Madetawu atasiwe langit, o ALLAH! Kemuliaan-MU na atasiwe ngara ponnu tana.