¹ Barada a pimpina dodo: Waina li'i"Merpati kabongnga ne pandou a marro." Miktam Daud bawoppawa ata Filistin ne Gat. Manawaraga, o ALLAH, orona ngara ata na deke-dekega, loddo mangeda-ngeda a patauna monno menindas. ² Ngara gobbagu a deke-dekega loddo mangeda-ngeda. Orona, ata a keddega waina keketa wekkina. ³ Baku mandauta kowaga, ku ta'ige ne waigu bara-MU. ⁴ ALLAH dana, ne li'i-NA paweilagu, barana ALLAH ku waige, daku mandautaki. Apa bisa paraina ata baragu? ^{6 5} Loddo mangeda-ngeda a pakacauga masalagu, ngara papangedada baraggu nyakido a bokala. A kategi monno kabunni, a awasagai pagagu, a kabuga ne lolo ngaugu. ⁷ Patolekawi wali kefasikan? Bani dana-MU, paboddorawi ngara ata, o ALLAH! ⁸ MU kira bagadi ngara susagu. Ta'i gadi we'e matagu kantong kalita dana-MU. Da nyaki a wa'ina li'ina-MU? ⁹ Nyaka, ngara gobbagu mba wali bali ba eruna lira ne loddo baku kawula. Ne nyapa pandegu, nya ALLAH. ¹⁰ ALLAH dana, ne li'i danana paweilagu, MORI dana, ne li'i-NA paweilagu. ¹¹ Barana ALLAH ku waige, daku mandautakiyaga, appawe pabisa paraina ata baragu? ¹² Baragu, o ALLAH, pana'u-MU. Ku patanga waigo weila deta. ¹³ Orona, Mu paselamatabaga dewagu wali maut, wa'igu danna katunduraki , nyakanna bisa baku kako arona ALLAH toleka mangewala dana.