¹ Barada pareta dodo: Waina alat musik patunda. Dodo perenungan Daud. Rengngega tabayyagu, o ALLAH, monno du burri wekkikana wali pamadengngigu. ² Etaga monno walega! Ku meranaga waina milla ate monno ngi'o, ³ orona li'ina gobbagu, orona penindasan ata fasik. Orona, a tippaga susa baragu, monno waina murka ba gobbaga. ⁴ Na kadandaka ate danagu, monno ngeri pamate a wennaga. ⁵ Mandauta monno kadandaka natukkewe , na kukadandakaga ⁶ Lungguge, "Oh, bayakoga kapa hinnana keila merpati! Ku leraga monno kudangngi aga. ⁷ Tetakkako, ku kako pamarroaga monno kaku taddo wa'ina ne padang gurun. Sela" ⁸ Ku ngettana baku kako pandou pamalle wa'igu , wali paringngi a bani." ⁹ Kaballodi, o MORI, bokkawo ngara lommada. Orona, ku etawe a bani monno selisih ne wanno dana. ¹⁰ Loddo monno gedde a woletagea ne wanno ponnu tembokna, takka enga poge susa ne danana. ¹¹ Ne a bossaka wa'ige tilluna, penindasan monno mapodeta danna muwa kingge wali padou ata mangeda. ¹² Orona, danyaki gobba a kanissikaga, ku tanggungwi. Danya kaiki ata abuttuga ate a pakalada wekkina bana gobbaga, ku bisa baku kabunni wali barana. ¹³ Takka, ata a hinnana youwa, sahabatgu, iya ata papandegu. ¹⁴ Ta saling ya nasihat a magollona, ne umma-NA ALLAH, ta kako tillu ata mangeda dana. ¹⁵ Ngga'iku maut kan perdayawi, ngga'i kundi kaburru pandou ate mate dana bana tolekapo! Orona, ne bokala wa'ige ne pandouda monno ne tilluda. ¹⁶ Takka, youwa ku kadengawi ALLAH, monno MORI napatolekaga. ¹⁷ Ne gedde, kabu gedde monno loddo, ku tekkiwe keluhan monno rintahangu, na rengngega li'igu. ¹⁸ Na tebusaga waina damai wali ngara serangana baragu, orona a luwana ata a gobbaga. ¹⁹ Nan ALLAH narengnge monno na walewi, NYA kanawa wali netti ponna. Sela orona da mawungngaki monno damandautaki ALLAH. ²⁰ Na keketawa limmana bana gobbawi ata a toleka waina damai, ne aurana na langgarawe. ²¹ Ngadana hinna kaina mentega a kasenga, takka atena napatauwe. Ngara patekkina na allupo lembutna wali minyak, takka ngara kuwa ekakowa katopo a makeketa. ²² kapettige bebanmu barana MORI, monno NYA enga karawanagu. Danna ngga'iki ata atena bana goddoka mori wali-mori wali. ²³ Takka, WO'U, o ALLAH, enga ngindi mundi ne odi sumur a bonga, hidda pamalega ra'a monno mapodeta danna dukkike setengah lolo ngauna, takka youwa ku waige.