¹ Barada pareta dodo: Waina alat musik petik. Dodo perenungan Daud bata Zifi a ammidi monno hiddage barana Saul, "Da'iki Daud a kabunni ne tilluda?" O ALLAH, paselamataga orona ngara-MU, adiliaga orona pawessi-MU. ² O ALLAH, rengngega tabayyagu. Patetiga patekkina ngadagu. ³ Orona, ngara ata dapa pande a kedde ba gobbaga, monno ngara ata pamadautagu a elletaga lolo ngaugu, da ta'iwi ALLAH ne aro douda. Sela ⁴ Tetakka, ALLAH nya a tuluga, MORI nya rombagu. ⁵ Na tauge tangana barada a bokala barada gobbagu. Kesetiaan dana-MU, MU dekka wa'idi. ⁶ Waige kaloga ate ku ya kurban bara-MU, ku weila detago ngara-MU, o MORI, orona nenya duwa. ⁷ Orona, NYA a pasilliaga wali ngara susagu, monno matagu ku etawi ngara gobbagu.