1 Barada ngara a pimpina dodo: Dekuni Mahalat. Dodo papangedda Daud. Ata dapande hinnagge ate danana, "Da'iki ALLAH." A parusaka, keji monno mapodeta, da'iki a raige ne a duwa. 2 ALLAH ne eta ne kabu wali surga dana barada ngara ana ata, kanna eta wa'i kadona a mangu papangedana, a elleta ALLAH. 3 Hidda kuwa a tillirabana, hidda kuwa a rusaka bana. Da'iki a raige ne duwa, lakko nyako iya ata indaki! 4 Dapande kige, ne parawida a bokala, a kaballodi ata-GU hinna kaina nga'a kababa, da kadengngawi ALLAH? 5 Ne'e, hidda ne'idi mandauta dana, padahal da'iki mandauta; Orona, ALLAH bana seikarabadi ngara ruwida ata a keddewi. A pamakke bami orona ALLAH da deibawi. 6 O, selamata a tuba barada Israel wali Sion! Dukkiwe rapana na ALLAH napadua balinawe atana a tertawan, ngga'iku Yakub kanna waila deta, ngga'iku na Israel kanna madita kaluwa.