¹ Barada ata dodo: Dodo papangedda Daud. Na Doeg ata Edom ba ammiwi bana tekkinawe Saul monno hinnage barana. "Netti bai Daud ummana Ahimelekh." Ku puji na bokalana, o pahlawan? Manawarana ALLAH ne ngara waktu. ² Lommamu na tekkiwe a bossaka, hinna kaina keto pacukur wai ne tamana, mu raige mapodeta. ³ Loukapo bumanawarai a bokala daripada a duwa, monno akkala daripada a tena. Sela ⁴ Mu bei kuwadi ngara papatekki damigi da nga'a, o lomma penipu. ⁵ Takka, ALLAH napabodorai mori wali-mori wali. NA kouta monno na tengngiwu louso wali kema danamu, monno a koukagu wali tana ata a toleka. Sela ⁶ Ata a benara hidda bana a eta monno a mandauta, enga maditawi monno hinnage, ⁷ "Etawa, ata dawai ALLAH pandou perlindungana wa'ina, takka a ta'ige ne pawessi barada a mangnguna a allu, monno kana pawessi waina ne abokala." ⁸ Takka, ku timbu hinna kaina wasu zaitun a morona ne umma-NA ALLAH, a ta'ige waina barana duwa ate-NA ALLAH bahinna patirribawe monno mori wali-mori wali. ⁹ Ku weilagu mori wali-mori wali orona Mu raibage, monno kunapage ngara-MU, orona duwa, ne aroda ngara ata pamanawara-GU