¹ Barana pareta dodo: Dodo Daud, ba ammi Nabi Natan barana, balenga na kako dengawi Batsyeba. Manawaraga, o ALLAH, dekuge kasih setia-MU, dekuge manawara-MU a luwana, opi gadi ngara salgu. ² Wano ngara kuwaga wali ngara salgu, sucikan wali ngara dosagu. ³ Orona, ku pandege pelanggarangu, monno salagu patirri-tirri arogu. ⁴ Bara-MU, WO'U kidona, baku berdosa aga, monno kuraige abokala dekuge paeta-MU, nyaka ku tena patirrina buyako li'i-MU, monno MU bersih MU hukumko. ⁵ Tetakka, ku dadiaga pelanggaran dana, monno dala dana, inagu bana ti'aga. ⁶ Tetakka, MU bege a tena ne ate dana, monno waina kabunni , MU tekkiga hikmat. ⁷ Sucikanga waina hisop monno kaku kakana na kakage wali salju! ⁸ Yaga kaku rengewe sukacita monno gembira. Ngga'i kundi haida ruwi papapossaka bamu a weila deta. ⁹ Burrige mata-MU wali ngara dalagu, opi gadi ngara salagu. ¹⁰ Raige wekki danagu ate a murni, o ALLAH, monno pabarugai dewagu ne wekki danagu. ¹¹ Du lettokaga wali aro-MU, monno du dedekawa ROH Kudus-MU wali baragu. ¹² Yabali gawe weila deta selamata-MU, monno rombaga waina roh aya awa. ¹³ Nyaka, ku panungadi ngara pemberontak ngara lara-MU, monno ngara a berdosa a madikkira bara-MU. ¹⁴ Pasillia aga wali pamalega ra'a, o ALLAH, ALLAH selamatagu, monno lommagu ku weila detagu waina kawula orona tena-MU. ¹⁵ O MORI, wukke rowiwigu, monno ngadagu kaku weila deta-WU! ¹⁶ Orona, du beiki kurban patebba, ato kaku yawa lugu, du beiki kurban patunnu. ¹⁷ Maraka barana ALLAH na dewa mubbuka, a bata kalaki atena, o ALLAH, du kanissikakia. ¹⁸ Rawige a duwa dekuge perkenana-MU barana Sion, Padede ngara tembok Yerusalem. ¹⁹ Nyabawe, WO'U MU beina kuban a tena, kurban patunnu monno ngara maraka, monno ngara lembu mane a mbo'u pangindida mezbah deta-MU.