1 Dodo Asaf. A Mahakuasa, Allah, MORI, li'ina monno nakadengawi ponnu tana, wali pandou pennena loddo dukki bana tama. 2 Wali Sion, kesempurnaa a duwa, ALLAH na mangewala. 3 Ammi ALLAHda monn dana kanawaki. Ne aro-NA api na mana'a, na mawoleta paringngi kalada. 4 Na kaaula barana langita madeta, monno barana ponnu tana kaadili umat-NA. 5 "Pakuwami ngara ata pamanawara-GU, a kettege aura bara-GU dekuna kurban." 6 Langita na tekkina natena-NA, orona ALLAH nya Hakim. Sela 7 "Rengnge, hai umat-GU, kaku tekki mige! Hai ata Israel, KU bersaksi tubami: YOUWA ALLAH, ALLAHmi. 8 KU hukummigi danyake tubana papatunnumi, atau orona ngara patebami, atau orona maraka patunnumi a wa'ina aro-GU. 9 Daku dekeki lembu wali ummamu, atau simbi mane wali gollu danami. 10 Orona, ngara kuwa a toleka kadawu dana dou-GUdi, hinna kaiwi ngara ranga a luwana ne lete detana. 11 KU pande kuwadi ngara keila a ne'ina ne ngara letena, monno ngara ranga a kaguddika ne oma dana dou-GUdi. 12 Baku karebako, dakku tekki kime, orona ne ponnu tana monno ngara kuwa a wa'ina ne ponnu dougudi. 13 Appako ku ngaa ne kana'a bebe mane, atau ku benuna ra'ana simbi mane? 14 Pamarakana bara ALLAH kuban syukur, monno tauge wellina nazarmu barana a ne'ina Pandou Madeta! 15 "Kawulaga bara-GU ne bi susa kumi, ne YOUWA Ku paselamatawu, monno ne yemmi mi wundawaga." Sela 16 Takka, barana ata fasik li'ina ALLAH, "Appa gunana bikiragadi ngara papapattugu, atau bingindiga ne aurana ngada-GU? 17 Orona, yemmi mi buttu atewi didikan, monno mi lettoga li'i-GU. 18 Bi etakowa ata kedu , mi beiwi, ne nyabawe berzinahmi. 19 Mi pangindige ngadamo barana bokala dana, monno ne lommami na makettewe mapodeta. 20 Mi mandi'i monno mi gobbadi 'du doumi, mi mapodeta tubana anana inna doumi. 21 Ngara kuwa narawi badi, monno YOUWA kalla-kalla-GU, ne pangeddamu YOUWA ekakowa yo'u, bahinna ne'e nyabaku bakawu, monno kaku ta'i paduwago aromu. 22 Pangedda paduwa gene, ne yemmi a bullawi ALLAH, kadanna irra kawu monno da'iki a paselamatawu. 23 Garra kuwi a marakana kurban syukur na deikawa-GA. Garra kuwi a paduwa larana, KU pacetina ne selamatana ALLAH."