¹ Barada ngara a pimpindi dod: Dodona Daud. Youwa ku napa-napawi MORI, bage na eta na rengnge gawe kawulagu dengngi tulu. ² Na keketaga wali kalena a gaduh, louso wali rede dana, monno na ta'igaddi wa'igu ne lete togo detana, naraigadi ngara pagagu tegap. ³ Nayaga dodo baru ngada danagu, iya dodo barana ALLAHda. Luwana ata a eta monno a mandauta, monno a waiwi na MORI. ⁴ Namaringina ata, a waiwi MORI, da madikkira barana ata a keketa wekkina, atau barada ngara ata a mapodeta. ⁵ O MORI, ALLAHgu, luwa bana parawi, ngara parawi-MU a ajaib monno ngara kambu ate-MU barama. Da'iki a gainagu. Da'iki a hinna denga-GU. Kaku tekki monno kaku palara pongge barada, takka napaalluwe kaladana. ⁶ Kurban monno maraka, du bei kingge. MU wukke bagai katillugu. Kurban patunnu monno kurban a apusai dosa du dengngikiwa. ⁷ Bage, lungguge, "Etawe, ammi baga, gulungan kitab dana wa'i mema bage tubagu: ⁸ Ku beige baku rawige kambu ate-mU, o ALLAHgu, hukum-MU wa'ige wekki danagu." ⁹ Ku tekkiwe ne atena ne pakuwa danana. Eta, dakku pattuke rowiwigu, MU pandege, o MORI. ¹⁰ Dakku pakabunni kige adil-MU ate danagu, ku tekki bawe setia-MU monno selamata-MU, dakku pakabunni kige selamata-MU, monno dakku pakabunni kige benara-MU wali pakuwana a kalada. ¹¹ O MORI, DU pattukiwe manawara-MU baragu, kiranya kasih setia-MU monno benara-MU a jaga patirri aga ¹² Orona, ne bokala a korowaga na alluwe. Salagu nawoppa baga nya kadakku pawessike baku eta, na luwage soputai luwana loge katowa detagu nya ne ategu kanna pato'o waga. ¹³ Berkenan-WU, o MORI, bu patolekaga! O MORI, ngetta kinna bu tuluga ¹⁴ Ngga'i kundi kakolena makke monno ka kanissikawi , hidda a elletaga ne lolo ngaugu. Ngga'i kundi kaeruna monno kakanissikawi, hidda a beige ne celakagu. ¹⁵ Ngga'i kundi kakarobba orona makkeda, a hinna baragu, "Kau podage, Kau podage!" ¹⁶ Kiranya ngara ata a elletawu a weila deta monno a senang. Kiranya a beige ne toleka a wali bara-MU danna kadukka kingge bahiddage, "Kaladana MORI!" ¹⁷ KU milla waga monno melarat, kiranya MORI na reke aga. A tuluwaga monno a paselamataga. Du mando'i kanna, o ALLAHgu!