¹ Dodo Daud bana wungngage ngara parawina ne arona Abimelekh, a wuddawa, nyakanna kako. Ku pamaringiwi MORI ngara waktu. Ne ngadagu kudeika patirri-tirriwu. ² Dewagu bermegah MORI dana, ata a paradaka wekkina na rengnge monno na weila deta. ³ Palolo kata deikawa MORI, monno maiya katta wundana ngara-NA ⁴ Ku elletawa MORI, mbage na waleaga, monno napasilliaga wali ngara mandautagu. ⁵ Ata a gillakanna bara-NA abibaka, monno ne matada damakkeki. ⁶ Haida ata a tertindas a kadengnga, monno MORI nawalewa; monno napaselamataga wali ngara millagu ⁷ Papalewana MORI a berkemah barada haida a mandautawi, monno napasilliwi. ⁸ Nungngawe monno eta na MORI naduwa! A pamaringiwi ata a elleta perlindungan bara-NA! ⁹ Mandautawi MORI , yemmi ata ambiya, orona ata a mandautawi danna kurangki. ¹⁰ Ngara singa a mbo'u a kurang monno a kareba, takka haida ata a elleta MORI, danna kurang kinna lakka iya koppoa a duwa. ¹¹ Ammimigi, ana, rengngeaga, kaku panungamigi mandautawi MORI. ¹² Ngara ata a kambu atege toleka, monno a beige eta dou a duwa? ¹³ Awasiwe lommamu wali a bokala, monno rowiwimu wali panewe a mapodeta. ¹⁴ Madikkirawu wali a bokala monno rawige ne aduwa, elletawe damai sejahtera monno wolawe. ¹⁵ Mata MORI na aro barada ata a duwa, monno katillu-NA barada madengngida hidda a dengngi tulu. ¹⁶ Mata-NA MORI nagobbadi ata a raina bokala, ngga'i kanna muwage kenangana tubada ne ponnu tana. ¹⁷ A kawula, MORI na rengngewe, monno napasilliwi wali ngara millada. ¹⁸ MORI nabarawi a bata atena, monno napaselamatawi hidda a bossaka dewa danana. ¹⁹ Luwage millana ata benar, takka MORI na pasilliwi wali hidda kuwa. ²⁰ NA lindungiwi ngara ruwina, da'i pongnguki iya a bata. ²¹ Ne pamilla ate dengnga enga napamate ata fasik, monno ata a buttu ate ata benara enga hukumdai ²² MORI a tebusawa dewana ngara ata-NA, monna ngara ata a elleta perlindungan bara-NA danna salaki.