1 Dodo Daud. Bantahlah, o MORI, hidda a berbantah dengaga. Gobbadi haida a gobbaga. 2 Pawessiwi perisai kalada monno perisai ki'i, monno keddewu ku tuluga. 3 Koukage numbu monno lembing barada haida a wolaga. Lummuge bara dewagu, "Youwa selatamatamu." 4 Ngga'iku kapamakkewi monno kakanissikawi, hidda a elletaga lolo ngaugu. Ngga'ikudi a wanage da duwa, nakabalekawe monno kamakke. 5 Ngga'ikudi kapatudana sekam ne arona paringngi, kapalolo dengawi papalewana MORI a palerawi. 6 Ngga'ikundi na larada kanna kapottana monno nakeluta, kapalolo dengawi papalewana MORI a wolawa. 7 Orona, da'iki alasan bakabunniga irra wali baragu, da'iki orona bakodaga kalena mate pandou lolo ngaugu. 8 Ngga'ige ne a bossaka ka ammige ponnuda dapa pande dengada, monno kanna wenna douwe irra pakabunnida. Ngga'ikudi kagogola monno kabossaka. 9 Nyaka, dewagu naweila detawa MORI monno ku bersukacita oroo selamata-NA. 10 Ngara ruwigu hiddage, "Garra a hinnanaWO'U, o MORI, a pasilliwi ata a tertindas wali barada a pawessi, monno a milla monno dengo wali barada a rampasa?" 11 Ngara saksi a bokala a kedde bana, a tuwaga dapa pandegu. 12 A tauga tanga bokala ne duwa gu, na dewagu na ngi'o. 13 Tetakka, bane'ikudi a ngangnga, kalambegu kabung, monno kuparada wekkina waina puasa, tabayyagu nabaliwe katukku ngau detagu. 14 Kukako tubada sahabat monno 'dugu a karodduka. Ku runuga dukacita ekakowa berkabung tubana innagu. 15 Takka, baku katundurako, a weila monno a pakuwana, a pakuwa dengadi ngara a pawola dapa pandegu, a rati-ratiaga dangau. 16 Hinna ata munafik a oloka iya pesta, a gertak waiga ngunduda. 17 Pirrakongge banyakido bu eta, MORI? Selamataga lolo ngaugu wali ngara apamuawaga, dougu a iya kina, wali singa-singa mbo'u. 18 Ku weila deta-WU ne pakuwana aluwana, ku weila detagu ne tillu ata aluwana. 19 Du ngga'i kandi hitti ata, naida gobbagu a mapodeta, a weila deta ponnugu, du ngga'i kandi ata a buttu atega da mangngu alasan, bakapiddakadi matada. 20 Orona, da tekkike damai, takka a wanage tekki a mapodeta barada hidda a dangngine wanno. 21 A wukke pakaladage ngadada bagobbaga monno hiddage, "Kau poddage, kau poddage! Ma etaba waina mata douma!" 22 MU etabawe, o MORI. Du kadanna kanna. O MORI, DU marro kanna wali baragu. 23 Kedde demi keadilan monno demi perkaragu, o ALLAH monno MORIgu. 24 Hakimiwaga, o MORI, ALLAHgu, dekuge benara-MU, monno du ngga'i kandi ba weilane ponnugu. 25 Da ngga'i kandi bahiddage ate danana, "Ha, ne pabeina dewama!" Da ngga'i kandi ba hiddage, "Ma kaballo mbai!" 26 Ngga'i kundi kapamakkewi monno a makke, ngara kuwa hidda a weila ne ponnu millagu. Ngga'i kundi bapakalamben makke monno cela, hidda a pakalada wekkina baragu. 27 Ngga'i kundi ka weila monno bamadita, hidda a beige ne benaragu. Ngga'i kundi kahiddage, "Na kalada-NA MORI, a beige sejahterana na ata-NA." 28 Nyawe, lommagu ku tekkigo benara-MU, monno ku weila deta-WU ne loddo mangeda-ngeda.