¹ Weila detami barana MORI, ne yemmi ata a duwa! ne weila deta natuma barana ata a duwa. ² Weila detami barana MORI waina kecapi, parengena barana MORI waina gambus kabullu kalerre. ³ Dodomi barana waina dodo a baru. Tunda paduwawu kecapi waina weila deta! ⁴ Orona, li'ina MORI na tenawe, monno ngara papawilli-NA na raidi setia danana. ⁵ NA bige ne a tena monno a adil. Ponnu tana na bonnuge kasih setia-NA MORI. ⁶ Waina li'ina MORI, na raige langita, oro ngau wali ngada danana, ngara kuwa pasukan-NA. ⁷ NA pakuwage we'e bonnu ba iya pandouwe, NA ta'ige samudera raya ne pandou pamabondala wa'i. ⁸ Ngga'ikoge haida ngara ata a ne'ina ponnu tana a kandadaka. ⁹ NA yawe li'i-NA, monno na dadiwe, NA mareta, monno a pawessi badede. ¹⁰ MORI napabatalada pabei ateda ngara bangsa, NA pattuwi pabei ateda ngara suku bnagsa. ¹¹ Ne pambei ate-NA MORI mori wali-mori wali, kambu ate-NA wali generasi dukki generasi. ¹² NA maringina bangsa a ALLAH wi MORI, ngara ata papede-NA ka ahli warisanna-DI. ¹³ MORI napatu'una wali surga dana, NA eta kuwawi anana ata. ¹⁴ Wali pandou pamandi'i waina, na et kuwawi ngara ata ne ponnu tana. ¹⁵ NYA a raida ngara kuwa ateda, monno napatu'udi ngara parawi limmada. ¹⁶ Tokko dana selamataki oro luwana pasukan; na iya pahlawan dapasillikiwa orona pawessina. ¹⁷ Dara nya papasande da tuma neba menang, alakka waige ngara kuwa pawessi a kladana, danna bisaki paselamatada. ¹⁸ Eta, mata-NA MORI napasagawi barada ata a mandauta-WI, barada ata a berharap barana kasih setia-NA, ¹⁹ kapaselamatada dewada wali pamate dengnga, monno kanna pattuwi wali kareba dana. ²⁰ Na dewada na napawi MORI. NYA a tuluda monno NYA perisaida. ²¹ Orona, ateda waina weila deta ne bara-NA, orona ta waiwi wige ngara-NA a mbia. ²² Ngga'i koge kasih setia-MU, o MORI, ne'ege barama, hinna kaina bama wai-GU.