¹ Wali Daud. Dodo Papanungnga na allu bapamaringiwi ata papayada darra, batodida dalada. ² Na allu bapamaringiwi na ata dapapakirada salana, ne touna badanna mapodetaki. ³ Ne baku kanawaga, haida ruwigu a merana, orona ngi'ogu loddo mangeda-ngeda. ⁴ Orona, loddo monno gedde. limma-MU mutekewaga, pawessigu hinnawe ne meretana a mara. Sela ⁵ Ku mengakudi salagu, monno daku pakabunni kidi salagu. Lungguge, "Youwa kumengakudi ngara salagu barana MORI." Monno, WO'U MU ampungadi ngara salagu. Sela ⁶ Nyaka, ngga'ikudi ngara ata saleh katabayya bara-MU bapatobaka wekkina. Nyawe, ba ammikoge kanolaka kalada da amboraki. ⁷ WO'U pandou perlindungangu, WO'U a jagaga wali sesak dana, MU koroga waina weila deta selamata. Sela ⁸ "Ku panungagu monno ku patutugu na lara kawungngu pakakomu, YOUWA kupanungagu waina mata-GU a patutu baramu." ⁹ Dipatudda kanna dara atau bagal da mangu pengertiana, papawai kalerre kendali monno kekang, atau danna barabanggu." ¹⁰ Luwage sengasarana ata fasik, takka kasih setiana MORI a woletawi ata awai-WI . ¹¹ Weila detamibarana MORI, monno kalada atemi, ne yemmi ata a benara, weila detami ne yemmi a tulus atena!