¹ Barada a paretawi dodo: Dodo Daud. Bara-Mu. o MORI, elletawe perlindungan, du ngga'i kangga bapamakkewaga. Paselamataga keadilan dana-Mu. ² Patidiwi katillu-Mu baragu, ngettana bu paselamataga! WO'U lete turagu, bentenggu, paselamataga. ³ Orona, WO'U lete togogu monno bentenggu. Waige ngara-Mu, pimpinga monno bimbingga. ⁴ Palousoga wali irra pakabunnidaga, orona WO'U donna pandou perlindungangu ⁵ Bara limma-MU, ku yawe dewagu, WO'U a pasilliaga, o MORI, ALLAH a setia. ⁶ Ku buttu atedi haida ata a gelokandi marapu da mangngu dalina, takka bara-MU engage baku waigu. ⁷ Youwa ku weila deta barana kasih setia-MU, orona mu etaga millagu monno sesakna dewagu. ⁸ Du yakiga limma detada gobbagu, MU pamendaragai wa'igu ne pandou a luwara. ⁹ Manawaraga, o MORI, orona youwa ku tertekanga. Matagu merana orona milla ategu, monno dewagu monno ngara kuwa wekkigu. ¹⁰ Orona, ku bawe tolekagu waina milla ate, iya dou iya dou waina ngi'o. Pawessigu na boddorawe orona salagu, monno ngara ruwigu merana. ¹¹ Orona gobbagu, youwa a kanissikaga, hinna kaina bara ole atagu, youwa ngeri lolo barada ngara ata a pandega. Hidda a etaga lara dana, a kedu wali baragu. ¹² A bulla baga, hinnana ata mate, youwa ekakowa barang a rusakba. ¹³ Orona, ku rengnge wali barada ata a luwana, wa'ige ne apa allu wali ngara penjuru, neba maworo kagobbbaga, a kambuge a dedega lolo ngaugu. ¹⁴ Takka, bara-MU ku waigu, o MORI, lungguge, ''WO'U ALLAHgu." ¹⁵ Nerapagu wa'ige limma dana-MU. Pasilliaga wali limma detada gobbagu, wali ngara ata a wolaga. ¹⁶ Raige ne mata-Mu bana tabokkarawe baraugu, paselamataga wali kasih setia-MU. ¹⁷ O MORI, du ngga'i kangga baku kolena makke, orona ku kadengnga-GU. Ngga'i kundi a ata fasik a kolege makke, ngga'i kundi kaburru pandou ata mate dana, waina kabongnga. ¹⁸ Ngga'i kundi lomma mapodeta a kettege, a panewe keketa wekkina barada ata a duwa, waina keketa wekki monno kanissikka. ¹⁹ Na alluwe duwa-MU, pabondala-MU a tanga haida ata a mandauta-GU, monno MU raige barada haida ata a elleta perlindunga bara-MU, ne aroda ana ata. ²⁰ MU pakabunnidi kabunni mata deta-MU wali mapodetada ata. MU paselatawi wali Umm-MU wali lomma a mapodeta. ²¹ MORI napamaringiwi orona napatutubage duwa ate-NA a louka pongngu baragu ba ne'iga ne wanno pakeddeda. ²² Lungguge mandauta danagu, "A lettoga wali aro mata-MU. Takka, WO'U MU rengngega madengigu ne baku dengngi tulu bara-MU." ²³ Manawarai MORI, yemmi a setia bidekuwi! MORI na lindungwi haida a setia bara-NA, takka na tauge tanga barada a keketa wekkina. ²⁴ Pawessiwe monno pamendarawe ate waimi, yemmi a berharap barana MORI!