¹ Dodo Daud. Dodo penahbisan Bait Suci. Youwa ku deikagowe ngara-MU, o MORI, orona WO'U a keketaga, monno du ngga'ikinggadi ngara gobbagu baweila ponnugu. ² O MORI, ALLAHgu, ku kawula bara-MU, monno WO'U MU paduwaga. ³ O MORI, WO'U a keketagai dewagu wali padou ata mate, MU paselamataga, wali barada hidda a burru rate dana. ⁴ Dodo weila barana MORI, o yemmi ata mbia-NA. ⁵ Orona, bani-NA danna mando'ike, takka perkenanan-NA, weila detana ngara-NA a mbia ne tillu tolekada. Dukka bana ne gedde we'e mata, takka ammige sukacita ne kabu gedde. ⁶ Ku waige, lunggugu, "Dakku dikkiki." ⁷ O MORI, orona perkenanan-MU, MU raige ne letegu bana dede duwawe, MU pakabunnige mata-MU, ku karobbawaga. ⁸ Bara-MU, o MORI, ku kawula, barana mori, ku dengngi manawara ate-NA. ⁹ Appako pautu dengnga ne ra'a danagu baku burruko odi dana? Appako ne pa'u tana na wundago ngara-MU? Appako na beritakan kesetiaan-MU? ¹⁰ Rengngewe, o MORI, monno manawaraga! O MORI, a tuluga. ¹¹ MU raibage ne malelikagu ba negowe. MU kaibaga ne kaba perkabungangu, monno mu kettega kombugu waina deta ate. ¹² Ngga'i, ne weila deta tuba-MU monno dakku kanawaki. O MORI, ALLAHgu, ku weila deta-WU mori wali mori wali!