¹ Barana ata pareta dodo : Dodo Daud. O MORI, waina pawessi-MU, tokko na weila deta, barana selamat-MU, na weila deta lolona. ² MU yabana barana apawe pabei atena, monno DU pattu kawe padengina rowiwina. Sela ³ Orona, MU renggawi waina berkat duwamu. MU ta'ina mahkota omma rara ne ponnu katowana. ⁴ Na dengngiwe toleka wali bara-MU, MU yana barana, monno lolo ngau mori wali-mori wali. ⁵ Kemuliaanna nakaladage orona selamata-MU. Kehormatan monno keagungan MU ta'ina barana. ⁶ Orona, MU karunianawe berkat barana mori wali-mori wali. MU raina bana weila deta gembira, ne aro-MU. ⁷ Orona, tokko na waini MORI, monno oro kesetianna a Mahatinggi, danna dikkiki. ⁸ Limma-MU enga kolege ngara gobba-MU. Limma kawana-MU na koledi ngara ata a benci-WU. ⁹ MU raidi ba ekakowi tullura, ne bu paeta wekkina. MORI enga nga'a nandi murka dana-NA, monno api a dekka wa'idi. ¹⁰ MU pamate dadi anada wali ponnu tana, monno pawali wa'ida wali barana ana ata. ¹¹ Lakka ba kambukoge a bokala bara-MU, lakka a rancang bawe kambu ateda a bokala, da berhasil kiwe. ¹² Orona, MU rawi bage a talira, ne bu patutudi kalerre busur-MU barada., ¹³ Keddewu, o MORI, pawessi dana-MU! Ma dodo monno ma weila detago kuasa-MU.